15 eksportuesit më të mëdhenj në botë

Foto Ilustrim

Në vitin 2018 eksportet totale globale tejkaluan 19 trilionë dollarë. Pavarësisht nëse po flisni për vetura gjermane, fanellat e Bangladeshit, vajin Saudit apo çokollatën e Zvicrës, të gjitha janë në dispozicion në tregun botëror, shkruan albinfo.ch.

Vizualizimi i sotëm vjen nga HowMuch.net dhe sjell statistikat nga vendet në bazë të shifrave të tyre të fundit të eksportit, sipas të dhënave të Organizatës Botërore të Tregtisë (OBT).

Në krye të listës së eksportuesve më të mëdhenj në botë është Kina, me 2.500 miliardë dollarë të mallrave të dërguar jashtë shtetit në vitin 2018. Nëse shtoni shifrat nga Hong-Kongu, Kina ka 15.7% të eksporteve totale globale – afërsisht ekuivalente me Japoninë, Holandën, Korenë e Jugut, Francën dhe Singaporin.

Pastaj vijnë në listë Shtetet e Bashkuara të Amerikës, të cilat eksportojnë rreth 1.7 trilion dollarë mallra çdo vit. Pas kësaj vjen Gjermania, e cila është i vetmi vend tjetër që eksporton mbi 1 trilion dollarë mallra në vit.