Serwer nuk e përkrah idenë e bashkimit të Shqipërisë dhe Kosovës

Daniel Serwer, një nga personalitetet më të njohur të politikës së jashtme dhe njohësit më të mirë të Ballkanit në Uashington D.C, ishte sot i pranishëm në konferencën me temë “Shtetet e Bashkuara të Amerikës në Ballkanin Perëndimor”

Eksperti amerikan për Ballkanin ka nënvizuar se Shqipëria dhe Kosova duhet të largojnë me çdo mënyrë idenë e një Shqipërie të madhe, sepse dota të kishte pasoja destabilizuese dhe katastrofike, tha ai, shkruan insajderi.

Lidhur me vendimin e 18 tetorit për negociatat, Serwer tha se Francës dhe Holandës duhet t’i vijë turp për qëndrimin që mbajtën për Shqipërinë dhe Maqedoninë e Veriut, por që kjo tha ai, nuk duhet kurrsesi të pengojë Shqipërinë të ecë përpara dhe të mos rreshtë në këmbënguljen për anëtarësim, gjë që nuk do të ndodhë eventualisht për disa vjet, edhe sikur të hapen negociatat, u shpreh Daniel Serwr.

“Shqipëria e Kosova s’duhet të kërkojnë ndryshim kufijsh. Uashingtoni e Berlini nuk do ta pranonin kurrë, do të kishte pasoja katastrofike e destabilizuese. E duhura është që Shqipëria e Kosova të kujdesen për ato sëmundjet e brendshme, të ruajnë marrëdhënie të mira e të ushqejnë marrëdhënie të mira me shqiptarët që jetojnë në vende të tjera. Asgjë që mund të bëjë Franca e Holanda, s’mund t’ju pengojë të bëni atë lloj Shqipërie, e shpresoj të bëni zgjedhjen e duhur e të mençur”, ka thënë Serwer, përcjell albinfo.ch.

---