Lajme
Diaspora bëri shumë për “dardanët” drejt Evropianit!
Thuhet se pesë vjet ka punuar ish-seleksionuesi Albert Bunjaki për ta bindur Valon Berishën që të bashkohet me Përfaqësuesen e Kosovës në futboll.
Po ashtu, Berisha e kishte lënë Norvegjinë për t’iu bashkuar Kosovës dhe tashmë është prej lojtarëve kryesorë te “dardanët”. Përfaqësuesja e futbollit, me lojtarë si Berisha në qendër, është shndërruar në tregimin më pozitiv të vendit, shkruan Koha Ditore.
Gjithashtu, po cilësohet edhe brend, që ndër të tjera ngjall entuziazëm te qytetarët e vendit në kohën kur telashet janë të mëdha dhe shumë të rinj ua mësyjnë vendeve evropiane.
Po ashtu, yjtë aktualë të Kosovës janë fëmijët e një gjenerate që kishte lëshuar vendin dy apo tri dekada më parë e shtyrë nga vështirësitë e shumta, e që shumë janë ende prezentë. Shumica janë fëmijë të diasporës së madhe shqiptare në Evropë, që lidhjen me vendin e lindjes po e forcon edhe përmes ekipit të futbollit.
16 prej 23 futbollistëve aktualë të Kosovës janë rritur apo zhvilluar në vende evropiane. Të tjerët si Amir Rrahmani, Vedat Muriqi, Milot Rashica, Florent Hasani, Edon Zhegrova, Bernard Berisha e Visar Bekaj kanë nisur karrierën në Kosovë, e ndërkohë janë vendosur në vende të ndryshme evropiane.
Vetëm Bekaj vazhdon të jetë pjesë e futbollit që luhet në vend, por me mendje për kalim të shpejtë në Gjermani. Askush nuk e vë në dyshim se pa lojtarët e formuar në vende evropiane, nëpër akademi me sistem superior, Kosova nuk do të kishte as për së afërmi nivelin që e ka tash.
Rrjedhimisht, entuziazmi aktual nuk do të ishte dhe për Kosovën nuk do të bëheshin thuajse çdo muaj dhjetëra e qindra shkrime nga media të ndryshme evropiane e botërore që vendin e paraqesin në dritën më të mirë.
Një imazh i mirë për vendin në botë vlerësohet me shumë peshë për Kosovën. Dhe pa diasporën, që vendit ia ka dhënë shumicën e lojtarëve, kjo reklamë do të ishte e pamundur.
“Ekipi i futbollit, lojtarët që i kemi, po na i gëzojnë zemrat. Unë kam shumë emocione sa herë që jam në stadium, sa herë që e shikoj Kosovën”, thotë Albert Bunjaki, i vlerësuar gjerësisht si njeriu që ka vënë themelet e Përfaqësueses aktuale të Kosovës.
Bunjaki në vitin 2009 e mori postin e përzgjedhësit, ndërsa në post qëndroi deri në tetor të vitit 2017. Përfaqësuesja ka kaluar faza të shumta, disa shumë të vështira e sfiduese në kohën e Bunjakit si seleksionues, përcjell albinfo.ch.
Të ngjashme
Të tjera nga Lajme
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Zvicër: Priten qira akoma më të shtrenjta gjatë vitit të ardhshëm Mungesa e banesave në Zvicër “nuk do të përmirësohet së shpejti”. Për shkak të aktivitetit të...
-
Numri i të burgosurve zviceranë rritet për 7% në një vit
-
Deputetët e Gjenevës shprehen kundër dhënies së të drejtave të plota politike për të huajt
-
SBB aktualisht nuk shet bileta për biçikleta për udhëtime jashtë vendit
-
Stuhia e vitit të kaluar në La-Chaux-de-Fonds shkaktoi 120 milionë franga dëme