Kurti: Mjekët duhet të zgjedhin mes privatit ose publikut

“Nuk do të lejojmë më që mjekët t’i marrin pacientët nga spitalet publike dhe t’i akomodojnë ata në ordinancat e tyre private"

Lideri për kryeministër nga radhet e Lëvizjes Vetëvendosje, Albin Kurti, ka thënë se mjekët, të cilët kanë marrëdhënie pune në spitale private dhe publike njëkohësisht, duhet të zgjedhin ndërmjet njërës punë.

Këtë e ka bërë të ditur në një intervistë për emisionin “New Bugajski Hour” në Radio Televizionin e Kosovës,

Kurti ka theksuar se qeverisja e ardhshme e Kosovës nuk do të lejojë që mjekët të punojnë edhe në spitalet private, si dhe në ato publike në të njëjtën kohë.

“Nuk do të lejojmë më që mjekët t’i marrin pacientët nga spitalet publike dhe t’i akomodojnë ata në ordinancat e tyre private pas orarit të punës”, ka thënë Kurti.

Nga ana tjetër, ai ka paralajmëruar rregullimin e çmimeve të barnave, përcjell albinfo.ch.

---