Bota
Banorët e Venecias injorojnë referendumin për autonomi
Banorët e Venecias duket se nuk janë të interesuar t’i japin qeverisje autonome qytetit. Në referendumin e organizuar për këtë çështje morën pjesë vetëm 21 për qind e personave me të drejtë vote.
Ndonëse shumica e atyre që votuan në referendum e përkrahën autonominë nga rajoni Mestre, votimi nuk ka efekt ligjor për shkak se nevojiten votat e së paku 50 për qind të banorëve.
Ky referendum u parapri me debate të ashpra pas vërshimeve shkatërruese që e goditën qytetin e famshëm muajin e kaluar, ndërsa përkrahësit e autonomisë kishin pritur përqindje më të lartë të qytetarëve që do të merrnin pjesë në referendum, përcjell albinfo.ch.
Ata që kërkuan autonomi thanë se do të dorëzojnë ankesë për rezultatin për shkak të pragut të lartë të përqindjes minimale për vlefshmëri, i cili, sipas tyre, nuk duhet të jetë 50 për qind për referendumet me karakter këshillues.
Venecia përbëhet nga 11 ishuj të banueshëm dhe kontrollohej nga një administratë autonome deri në vitin 1926, kur regjimi fashist i Benito Musolinit ia bashkoi atë rajonit të Mestre-s.
Ndër shqetësimet kryesore të autoriteteve mbeten rritja e nivelit të ujit dhe zvogëlimi i popullsisë. Në vitet e pesëdhjeta, aty jetonin 175 mijë banorë, ndërsa sot qyteti i ka vetëm 55 mijë, shkruan “The Guardian”.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Kantoni i Cyrihut merr masa kundër antisemitizmit Sulmet antisemite në Zvicër dhe jashtë saj kanë alarmuar parlamentin kantonal të Cyrihut. Ai i bën...
-
Mbi katër mijë milionerë në Zvicër
-
Drejt fundit të tarifës së dyfishtë të energjisë elektrike: përshtatja dhe ndryshimet në konsumin e energjisë
-
Mostransparencë e plotë në marrëveshjet mes siguruesve dhe spitaleve private
-
Procedura e shpejtë e azilit zbatohet në katër nga gjashtë qendrat federale