CH-Ballkani
Vajzat nga Zvicra mblodhën para për viktimat e tërmetit në Shqipëri
Pas vetëm një ore, vajzat e angazhuara e kishin tashmë në dorë lejen për të kërkuar ndihma në para në shëtitoren e qytetit Wil
Shqipëria u dridh dhe bashkë me të u dridhën edhe zemrat e disa nxënësve të ciklit të lartë të shkollës Lindenhof të qytetit Wil, Kantoni St. Gallen. Veçanërisht të vendosura u treguan pesë nxënëse nga kjo shkollë, shkruan hallowil.ch.
Në shtëpitë e tyre prindërit tashmë po grumbullonin gjësende për ndihma, kur pesë shoqeve të shkollës u lindi ideja për të grumbulluar ndihma të tjera, transmeton albinfo.ch. Ato e ndanë menjëherë idenë e tyre me mësuesin e klasës, i cili u lidh me drejtorin e shkollës, Mathias Schlegel. Ky pastaj bëri hapin e duhur, duke u mundësuar vajzave të telefononin te autoritetet e qytetit, të cilat duhet të japin lejen për aksione të këtij lloji. Edhe këtu nëpunësja tregoi gatishmërinë e duhur kështu që pas vetëm një ore, vajzat e angazhuara e kishin tashmë në dorë lejen për të kërkuar ndihma në para në shëtitoren e qytetit Wil.
Ndërkohë nxënëset janë marrë vesh me mësuesit, kanë marrë disa detyra shtëpie, kanë punuar pllakate, kanë siguruar një arkë dhe kanë ndihmuar bashkatdhetarët e tyre, përcjell albinfo.ch. Gjatë dy ditëve ato grumbulluan mbi 1200 franga. Pas bisedës me imamin (e xhamisë së këtushme) ato, së bashku me drejtorinë e shkollës – e cila e rrumbullakësoi shumën në fjalë me edhe 1300 franga – i dorëzuan të hollat në organizatën humanitare Islamic Relief. Kjo organizatë e njohur me seli në Gjenevë mbështet shumë projekte në gjithë botën dhe bashkëpunon me Unicef-in dhe DEZA-n.
Të ngjashme
Të tjera nga CH-Ballkani
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla