Lajme
Dënohen për racizëm dy funksionarë të SVP-së në Bernë
Sipas autorëve të pllakatit të inkriminuar, janë shpenzuar miliona franga për ndërtimin dhe mirëmbajtjen e vendeve transitore për “ciganët e huaj”
Dy bashkëkryetarët e të rinjve të SVP-së (Junge SVP) të kantonit të Bernës janë dënuar me gjobë me kusht për diskriminim racor. Fjala është për Nils Fiechter dhe Adrian Spahr, të cilët janë përgjegjës për një pllakat, pamja dhe teksti i të cilit sugjeron urrejtje, gjegjësisht diskriminim racist mbi romët, shkruan sda.ch.
Pllakati ishte shfaqur në Facebook, në kuadrin e fushatës për zgjedhjet kantonale të vitit 2018. Në të shihet një person me veshje tradicionale zvicerane, duke mbajtur hundët pranë një kampi me makina të romëve, të mbuluar nga mbeturinat.
Sipas autorëve të pllakatit, janë shpenzuar miliona franga për ndërtimin dhe mirëmbajtjen e vendeve transitore për “ciganët e huaj”, transmeton albinfo.ch. Këto vende, thonë ata, janë ngritur kundër vullnetit të popullit.
Fiechter është dënuar me 30 njësi ditore nga 160 franga, ndërsa Spach po ashtu me 30 njësi ditore, por me nga 120 franga. Shprehur në para, Fiechter duhet të paguajë 4800 franga, ndërsa Spach 3600, në rast se kryejnë ndonjë delikt brenda dy vjetëve në vijim.
Shoqata e sintive dhe romëve të Zvicrës kishte ushtruar një padi për diskriminim racor lidhur me këtë rast brenda një kohe të caktuar, bëjnë ndonjë delikt.
Gjykata e Lartë (Kantonale) e Bernës, duke shqiptuar këtë dënim, ka vërtetuar veprimin e gjykatës pararendëse, asaj regjionale Bern-Mitteland.
Dy funksionarë të tjerë, më të lartë të po kësaj partie, para dy vjetësh qenë dënuar për racizëm, shkruan albinfo.ch. Atëbotë dënimi u kishte ardhur për shkak të një pllakati ku kishin shkruar “Kosovarët therin zviceranët”, duke iu referuar një sulmi me thikë të një mundësi dhe aktivisti të SVP-së nga dy vëllezër shqiptarë të Kosovës.
Të ngjashme
Të tjera nga Lajme
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Numri i të burgosurve zviceranë rritet për 7% në një vit Në fund të janarit të këtij viti, 6,881 burra dhe gra ishin pas hekurave në Zvicër....
-
Deputetët e Gjenevës shprehen kundër dhënies së të drejtave të plota politike për të huajt
-
SBB aktualisht nuk shet bileta për biçikleta për udhëtime jashtë vendit
-
Stuhia e vitit të kaluar në La-Chaux-de-Fonds shkaktoi 120 milionë franga dëme
-
Kaosi i tifozëve të Servette në ndeshjen e futbollit, i dyshuari mund të akuzohet