Policia plagos rëndë personin që kishte qëlluar të shoqen me armë

Ndërhyrja e policëve ka ndodhur pasi që ata ishin njoftuar për një zënkë në mes të një çifti në katin e tretë të një ndërtese

Në mëngjesin e të hënës (sot) në Carouge të Gjenevës një person ka qëlluar me armë zjarri  mbi gruan e tij, duke i shkaktuar plagë në krah. Policia e njoftuar për rastin, ka qëlluar me armë në kokë dorasin, duke i shkaktuar plagë me rrezik për jetën, shkruan “Tribune de Geneve”.

Ndërhyrja e policëve ka ndodhur pasi që ata ishin njoftuar për një zënkë në mes të një çifti në katin e tretë të një ndërtese në këtë lokalitet në periferi të Gjenevë, transmeton albinfo.ch.

Policët kanë thyer derën e banesës për të hyrë brenda. Pas hyrjes, kanë ndodhur të shtënat. Një fqinj ka njoftuar se ka dëgjuar dy të shtëna dhe klithma të një gruaje që kërkonte ndihmë, në banesën e përmendur.

---