Bota
Papa në mesazhin e Krishtlindjes dënon dhunën mbi migrantët dhe fëmijët
Papa Françesku ka përkujtuar në mesazhin e tij Urbi et Orbi viktimat e dhunës dhe të përndjekjeve. Në ditën e Krishtlindjeve ai në veçanti foli për vuajtjet e fëmijëve në vatrat e konflikteve
Bekimin e tij tradicional “Urbi et Orbi”, me rastin e festës së Krishtlindjes, të shprehur në sheshin e Vatikanit, Papa Françesku ia ka kushtuar globit dhe gjendjes në shumë rajone të botës. Në mesazhin e tij për Krishtlindjet, Papa në veçanti foli për qindra mijëra njerëz, të cilët edhe në kohën e festave gjenden larg shtëpive të tyre, për shkak të krizave dhe konflikteve, shkruan dw.de. Padrejtësia po i detyron njerëzit të kalojnë shkretëtira dhe detëra, të cilat po shndërrohen në “varreza”. Refugjatët po përballën në kampe të ndryshme me kushte jo njerëzore, ndërsa shumë prej tyre “po mbahen edhe në burgje ilegale, po keqtrajtohen dhe mundohen”. Në këtë kontekst ai në veçanti përmendi Libinë.
Papa foli edhe për politikën jo të duhur në shumë vende të Evropës. Njerëzit në ikje po përballen me “mure dhe indiferenca”, në përpjekjet e tyre për një jetë me më shumë shpresa dhe vlerë.
Thirrja e Papës për paqe në botë
Në mesazhin e tij në Sheshin e Pjetrit, Françesku kujtoi edhe vuajtjen e njerëzve në vendet e konflikteve, si në Republikën Demokratike të Kongos. Ai u ankua për gjendjen e mjerë të shumë njerëzve që po përballen me sëmundje, dhunë dhe katastrofa natyrore. Françesku kujtoi edhe vendet e konflikteve fetare, si Burkina Faso, Mali, Nigeri dhe Nigeria.
Papa shpreson vendosjen e paqës së përhershme në vendlindjen e Krishtit, në Lindjen e Mesme. Ai kujtoi edhe konfliktet në Siri, Irak dhe Liban, si dhe gjendjen e rëndë humanitare në Jemen.
Një mesazh i posaçëm dërgoi për gjendjen në Amerikën Latine. Papa u bëri thirrje autoriteteve në Venecuelë që të mos pengojnë ndihmat humanitare për njerëzit në nevojë.
Më parë Papa ka bërë thirrje që njerëzit të mos humbin besimin tek Zoti, as në kohërat kur janë në gjendje të keqe.
E-Diaspora
-
ASK: Mbi 1.4 milionë qytetarë të regjistruar, mbi 400 mijë nga diaspora Procesi i regjistrimit të popullsisë në Kosovë pritet të përmbyllet më 17 maj. Sipas të dhënave...
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
Jeta në Zvicër
-
Shefi i Lufthansa-s: SWISS është “flamurtari” i grupit të linjës ajrore Në një intervistë me gazetën Neue Zürcher Zeitung (NZZ), CEO i Lufthansa, Carsten Spohr, theksoi rëndësinë...
-
Lajmet që “përmbledhin” të hënën në Zvicër
-
Lucern: Gjykohet shqiptari, ka shitur drogë me vlerë prej 3.5 milionë frangash
-
Politikani zviceran dëshiron të përshpejtojë procedurat për dëbimin e të huajve
-
Jepet drita e gjelbër për ndërtimin e pishinave pranë Jet d’Eau në Gjenevë