Lajme
7 veta goditen nga orteqet, njëri pëson lëndime të rënda
I lënduari rëndë ishte një skitar me snowboard, i goditur nga orteku në Piz Nair afër St.Moritz-it (Graubünden)
Një skitar me snowboard është goditur të enjten nga orteku në Piz Nair afër St.Moritz-it (Graubünden), me ç`rast ka pësuar lëndime të rënda, shkruan srf.ch. Siç bën të ditur Policia Kantonale e Graubündenit, personi në fjalë po rrëshqiste jashtë pistave të shënjuara si të sigurta, transmeton albinfo.ch. Ai është bartur rreth 400 metra nga orteku. Pastaj atë e kanë transportuar me helikopter Rega për në spital, në Chur.
Edhe zona e njohur e skijimit, Andermatt-Sedrun në kantonin Uri, është goditur sot nga një ortek i fuqishëm. Orteku ka mbuluar një pistë skish.
Kjo ka ndodhur pak pas orës 11.
Sipas Policisë Kantonale, dy persona të kapur nga orteku është arritur të shpëtohen, shkruan srf.ch. Me lëndime të lehta, ata janë transportuar me helikopter në Spitalin Kantonal të Urit. Ndërsa katër të tjerë që po ashtu janë prekur nga orteku, kanë arritur të lirohen vetë nga bora dhe kanë shpëtuar pa lëndime.
Forcat e shpëtimit vazhdojnë të jenë të mobilizuara në vendin e ngjarjes, thonë në polici, përcjell albinfo.ch. Aktualisht nuk dihet nëse mund të ketë edhe persona të tjerë të kapur nga orteku. Deri në këtë moment nuk është i shpallur i humbur asnjë person.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)