Shqipëria
Mjeku shqiptar, i shpallur ndër 100 neurokirurgët më të mirë në botë
Shefi i Neurokirurgjisë në qendrën spitalore universitare “Nënë Tereza”, profesor Mentor Petrela, ishte ndër 100 kirurgët më të mirë të botës
Mentor Petrela është një ndër neurokirurgët më të mirë shqiptar, i cili tre vjet më parë u përzgjodh nga revista shkencore “World Academy of Neurological Surgery”, si një nga 100 neurokirurgët më të mirë në botë, transmeton albinfo.ch.
Së fundi, mjeku i mirënjohur shqiptar ka qenë i ftuar në emisionin “Opinion”, ku ndër të tjera rrëfeu edhe një nga momentet më të vështira të punës së tij.
Petrela u shpreh se një nga momentet e tij më të vështira është komunikimi me familjen kur je përballë një dështimi jo vetëm profesional, por edhe ndaj sëmundjes.
“Nga momentet më të vështirat është komunikimi me familjen kur je përballë një dështimi jo vetëm profesional, por edhe dështim me sfidën e sëmundjes. Ai është momenti më i vështirë”.
Po ashtu, Petrela, i cili është i njohur gjerësisht për teknikat e avancuara të operacioneve me pacientin zgjuar, theksoi se nuk ka njeri të pagabueshëm.
Sipas tij, nëse një person s’e pranon që ka gabuar, ai është gënjeshtar.
Gjithashtu, neurokirurgu i njohur rrëfeu edhe si e zgjodhi këtë profesion, i cili kërkon impenjim dhe studim gjatë gjithë kohës. Ai tha se kjo ishte një dëshirë e fshehtë e babait të tij, që mundohej ta ushqente me të.
“Ka qenë një dëshirë e fshehtë e babait tim, që mundohej të ma ushqente. Por nuk kanë qenë të gjitha elementet që unë të futesha në mjekësi. Unë kam qenë një nga “delet e zeza” që as nuk kam pretenduar që do të shkoja për studimet e larta. Fillimisht u futa në rusisht, pastaj ka qenë profesor Gjata, i cili më transferoi tek mjekësia. Është profesion i vështirë që kërkon impenjim dhe studim gjatë gjithë kohës.” /Albinfo.ch.
Të ngjashme
Të tjera nga Shqipëria
E-Diaspora
-
Kryediplomati shqiptar, Igli Hasani, takon homologun e tij nga Zvicra, Ignazio Cassis Takim i shkëlqyer me homologun zviceran, Ignazio Cassis, e ka cilësuar ministri i Jashtëm i Shqipërisë,...
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
Jeta në Zvicër
-
300 zviceranë të bllokuar në Kaledoninë e Re pas shpërthimit të trazirave Pavarësisht shpalljes së gjendjes së jashtëzakonshme dhe shtetrrethimit gjatë natës, situata nuk është qetësuar dhe mijëra...
-
Shtim i rasteve të sulmeve ndaj infermierëve në Zvicër
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit