Lajme

Shkon në 427 numri i të vdekurve nga koronavirusi

E martë, 4 Shkurt 2020 - 9:35 albinfo.ch
Keystone EPA/YFC CHINA OUT

Hong-Kongu ka raportuar vdekjen e parë nga koronavirusi të martën, ky është rasti i dytë fatal që shënohet jashtë Kinës nga virusi i ri.

Autoritetet kineze njoftuan se shifra e përgjithshme e viktimave ka shkuar në 427.

Mijëra qytetarë të huaj janë evakuuar nga epiqendra e virusit, qyteti Wuhan, ndërsa mijëra njerëz u bllokuan në një anije japoneze për shkak se u zbulua që një pasagjer është i infektuar me koronavirus, shkruan “Reuters”.

Gjatë 24 orëve të fundit, në Kinë nga koronavirusi vdiqën 64 persona, që paraqet shifrën më të lartë deri më tash për një periudhë të tillë kohore.

Rritje të konsiderueshme shënoi edhe numri i personave të infektuar.

Për një ditë u infektuan 3235 persona, duke e çuar në 20 mijë e 438 numrin e përgjithshëm të të infektuarve.

Prej tyre, së paku 151 raste të infektimit u shënuan jashtë Kinës, përcjell Albinfo.ch.

 Të ngjashme

Vetëm 11% e zviceranëve shqetësohen nga koronavirusi

 Të tjera nga Lajme

Vendi më mikpritës në botë për emigrantët

 E-Diaspora

 Jeta në Zvicër