Futbollistëve shqiptarë u ndërpritet kontrata tek Sioni

Në shumë liga, po shqyrtohet mundësia e uljes së pagave të futbollistëve

Për shkak të përhapjes së virusit korona në shumë vende të botës, kampionatet e futbollit janë duke pushuar.

Në Evropë po flitet se shumë klube do t’ua ulin pagat lojtarëve, për shkak të gjendjes aktuale dhe dëmeve ekonomike, përcjell albinfo.ch.

Kështu po ndodh edhe tek skuadra zvicerane, Sion. Mediat zvicerane raportojnë se pronari Cristian Constantin ka larguar nga skuadra futbollistët Pajtim Kasami, Ermir Lenjani, Alex Song, Javier Kuassi, Seje Dumbia, Michael Fankinetti, Christian Chok dhe Biram Ndaje.

Pronari fillimisht sugjeroi lojtarët që pagat e tyre mujore të ulen, duke iu dhënë një afat kohor për t’u përgjigjur.

Kur futbollistët e refuzuan, ata u njoftuan se u janë ndërprerë kontratat, pra në mesin e tyre dhe Kasami dhe Lenjani.

Futbollistët kanë parashtruar një ankesë pranë Federatës së Futbollit të Zvicrës.

---