Koronavirusi: çast pas çasti
Zhizhek për rrëzimin e Qeverisë Kurti: “Grusht-shteti i parë i Korona-s”
“Justifikimi i shfrytëzuar për votën e mosbesimit ishte trajtimi i epidemisë së Korona virusit nga Kurti, dhe për më tepër është lehtë të dallohen forcat e huaja të cilat e orkestruan grusht-shtetin, rrugicat e së cilës arrinin deri në Shtëpinë e Bardhë, ndërsa Bashkimi Evropian vetëm pasivisht e shikonte grusht-shtetin

Filozofi i njohur slloven , Slavoj Zhizhek, ka vlerësuar se Qeveria e kryesuar nga Albin Kurti ishte ndër shenjat shumë të rralla të shpresës në rajonin e Ballkanit, raporton koha.net
“Qeveria e Kosovës e kryesuar nga Albin Kurti ishte ndër shenjat shumë të rralla të shpresës në rajonin e Ballkanit. Më në fund, merr në dorë një gjeneratë e re, e cila nuk është e lidhur për pasionet etnike, e përkushtuar për moderninzimin e vendit në drejtimin e Iluminizmit emancipues. Si e tillë, qeveria e Kurtit ishte ferrë në mish për të gjitha forcat politike të cilat janë në gjendje të mbijetojnë vetëm në baltinën e pasioneve etnike e religjioze – ajo u urrye nga obskurantistët të të gjitha llojeve, në Kosovë, Shqipëri e Serbi. Por, janë dy fakte ato që e bëjnë shumë shqetësues grusht-shtetin parlamentar kundër Kurtit”, ka thënë filozofi slloven Zhizhek.
Ai në një vështrim të tij, tha se ajo që ai e quajti grush-shtet, ishte e orkestruar edhe nga forcat e huaja.
“Justifikimi i shfrytëzuar për votën e mosbesimit ishte trajtimi i epidemisë së Korona virusit nga Kurti, dhe për më tepër është lehtë të dallohen forcat e huaja të cilat e orkestruan grusht-shtetin, rrugicat e së cilës arrinin deri në Shtëpinë e Bardhë, ndërsa Bashkimi Evropian vetëm pasivisht e shikonte grusht-shtetin. Kështu, kemi marrur një pamje të keqpërdorimeve të neveritshme politike të epidemisë së tmerrshme që po na shkatërron jetët – një shikim në atë se si ata në pushtet do ta eksploatojnë pamëshirshëm pandeminë për të imponuar vizionin e tyre për rendin e ri botëror. Është detyra jonë e shenjtë të sqarojmë këtë për publikun e iluminuar në të gjithë botën, pasi historia e Kosovës kërcënon të shndërrohet ne historinë e të gjithë neve”, vlerësoi ai.
E-Diaspora
-
Gazeta zvicerane shkruan për mërgimtarët: Parada luksoze e makinave në një dasmë në Kosovë Gazeta zvicerane Blick ka raportuar për një ngjarje të pazakontë dhe spektakolare që ka ndodhur në...
-
Sulm me armë në Nju-Jork: Pesë të vdekur, mes tyre edhe sulmuesi
-
Livia Sadikaj shpallet studentja më e mirë e vitit në ACT College Thessaloniki
-
Në kryeqytetin e Kosovës jehoi zëri i dy operistëve shqiptarë me famë botërore
-
Rritet puna në bizneset kosovare falë diasporës
Jeta në Zvicër
-
Rrezik i konsiderueshëm për përmbytje në Liqenin e Lucernës Pas reshjeve të dendura të ditëve të fundit, Zvicra është përballur me një rritje të ndjeshme...
-
Mashtrim milionësh, studenti anglez dënohet me 7 vjet burg, viktima edhe në Zvicër
-
Bandat nga jashtë shënjestrojnë dyqanet e armëve në Zvicër
-
Rregulla dhe ndryshime të reja në Zvicër nga 1 gushti
-
Zvicra mbetet magnet për blerësit e produkteve luksoze