Kosova
Zvicra mirëpret vendimin e Kosovës për heqjen e tarifës ndaj mallrave serbe
Nga Ambasada e Zvicrës në Kosovë gjithashtu bëjnë thirrje që qytetarët dhe shëndeti i tyre të jenë primare për institucionet atje.
Ambasada e Zvicrës në Kosovë, duke njoftuar se e mbështet procesin e normalizimit ndërmjet Kosovës dhe Serbisë për heqjen e tarifave për mallra nga Serbia dhe Bosnjë e Hercegovina, u ka bërë thirrje institucioneve atje që primare ta kenë shëndetin dhe mirëqenien e njerëzve, shkruan albinfo.ch.
Ky është njoftimi i plotë i ambasadës:
Shëndeti dhe mirëqenia e popullit duhet të jenë primare për shtetin. Për t’u marrë me efektshmëri me pandeminë aktuale COVID-19, Zvicra u bën thirrje të gjitha institucioneve në Republikën e Kosovës që të bashkëpunojnë me Qeverinë në detyrë dhe të vendosin së pari mbrojtjen dhe nevojat e qytetarëve.
Në veçanti, është e rëndësishme që të gjithë të respektojnë Kushtetutën dhe të përmbahen nga manovrimi politik në këtë kohë krize.
Ne gjithashtu bëjmë thirrje për një bashkëpunim të qetë midis Kosovës dhe Serbisë në luftën kundër pandemisë COVID19.
E mirëpresim hapjen e autoriteteve të Kosovës për të mundësuar ndihmë mjekësore nga Serbia.
Zvicra mbështet procesin e normalizimit midis Kosovës dhe Serbisë me ndihmën e BE-së, dhe mirëpresim vendimin e Qeverisë në detyrë për heqjen e tarifave për mallrat nga Serbia dhe Bosnjë dhe Hercegovina. Normalizimi efektiv kërkon respekt të ndërsjellë. Ne mirëpresim angazhimin e përbashkët të liderëve të Kosovës për të rifilluar dialogun me Serbinë bazuar në premisat që integriteti territorial i Kosovës do të ruhet dhe interesat e qytetarëve të vendosen të parët.
Të ngjashme
Të tjera nga Kosova
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Policia e Thurgau-ut, me apel interesant Policia në kantonin Thurgau ka nisur një apel për këdo që iu ka vjedhur bizhuteri dhe...
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore
-
Sasi rekord bore në Säntis