Lajme
Mjeku shqiptar në Angli: Pacientëve shqiptarë me COVID u flas shqip
Specialisti i urgjencës në spitalin Kingston në Londër, Adrian Fandi, tregon për eksperiencën e tij me COVID-19, rikthimin në spital dhe kurimin e pacientëve shqiptarë.
Mjeku flet për situatën e përjetuar pasi ka fituar betejën me sëmundjen disa javë më parë.
“Infektimi me COVID-19 nuk ka qenë aspak i lehtë. Kam ndenjur 5 ditë në spital dhe më pas u përmirësova dhe shkova në shtëpi. Këtu në Angli ne nuk bëjmë një test verifikues, por pasi kalojnë disa ditë pa simptoma dhe temperaturë,do të thotë që jemi negativë. Pushim kam ndenjur vetëm 1 javë dhe nuk doja të rrija më shumë, edhe pse kolegët më thanë të rrija 4 ose 5 javë. Mendova puna do më ndihmojë ta marr veten më mirë sesa të rri kot në shtëpi. Javën e parë isha disi i lodhur por javën e dytë e mora veten shumë mirë. Momentin kur besoj se jam infektuar e mbaj mend shumë mire. Isha duke vizituar një pacient në zonën e pastër të spitalit, pasi e kishim ndarë në 2 pjesë: pacientët me COVID-19 dhe ata me probleme të tjera. Pasi e vizitova për rreth 10 minuta isha shumë i sigurt se ai ishte e infektuar dhe e transferuan në anën tjetër. Pastaj pas disa ditësh fillova të kem simptomat e para dhe temperaturë”, shprehet doktor Adriani.
Mjeku tregon edhe për ndihmat i ka dhënë komunitetit shqiptar atje. Adrian Fandi shprehet se shqiptarët atje janë shumë të turpshëm, edhe pse e dinë shumë mirë gjuhën angleze dhe çuditen kur ai u flet shqip në spital. Madje mjeku tregon se ka ndihmuar edhe në spital, ku u tregon familjarëve të të sëmurëve për gjendjen e tyre në gjuhën shqipe. Disa prej tyre madje e marrin në telefon për t’i kërkuar këshilla.
“Në Angli kam ardhur para 6 vjetësh pas një periudhe të gjatë pune në Rimini të Italisë. Kisha vështirësi në mësimin e gjuhës në fillim, po për rreth 1 vit u konsolidova dhe në punë. Në fillim kur erdha në punë u thashë që nuk dija mirë gjuhën, por ata vlerësuan më shumë aftësitë e mia dhe thanë që me kohën do mësoja. Pas 1 viti këti erdhi dhe gruaja ime dhe tashmë punojmë bashkë në një spital. Sistemi këtu është shumë ndryshe nga ai italian, në Itali kur vinte dikush në spital duhej të arrinim sa më shpejt te diagnoza, kurse këtu i shikojmë gjërat me më shumë imtësi”, përfundon ai.
Këshillat që ai jep për të tjerët janë distancimi dhe vetëkarantinimi. Çdokush që vëren simptoma të lehta, sipas tij, duhet të ketë kujdes dhe të mos takojë familjarë, sidomos më të vjetrit që mund të kenë sëmundje shoqëruese. Izolimi është masa kryesore, sepse kohët e fundit po vërehet rritja e numrit tê pacientëve të infektuar në moshë të re. Mjeku gjithashtu tregon edhe situatën e fëmijëve ku tek ata virusi prek më shumë enët e gjakut dhe duket më shumë si gjendje alergjie, shkruajnë mediat shqiptare, përcjell albinfo.ch.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim