Gjon Muharremaj dhe Arilena Ara, “zëri” i shqiptarëve në Eurovision

Edicioni i sivjetmë nuk ka karakter garues për shkak të pandemisë Covid-19

Pas 6 javësh përgatitje, Eurovision po transmetohet këto momente në platformën online për shkak të pandemisë së koronavirusit.

Finales së Festivalit Evropian të këngës përveç 41 konkurrentëve, sot do i bashkohen edhe një sërë performancash të artistëve më të spikatur të edicioneve të kaluara.

Ky lloj formati është quajtur Europe Shine A Light dhe pritet që kjo mbrëmje të jetë plot surpriza.

Shqipërinë do e përfaqësojë Arilena Ara me këngën “Fall from the sky” e cila është publikuar edhe në Youtube me videoklipin zyrtar.

Zvicrën po e përfaqëson shqiptari, Gjon Muharremaj.

“Europe Shine A Light”, pritet që mbrëmjen e sotme të mbajë mbërthyer para ekranit miliona shikues, përcjell Albinfo.ch

---