Kosova
Vitia flet për hapjen e kufijve dhe heqjen e karantinës
Ministri në detyrë i Shëndetësisë i Kosovës, Arben Vitia në një konferencë për media ka treguar se nga dita e enjte do të hapen objektet fetare dhe do të rritet lëvizja e qytetarëve, derisa ka folur edhe për hapjen e kufijve.
“Kam marr me qindra pyetje brenda dhe jashtë kufijve se kur do të hapen kufijtë. Do të doja që t’i heqim të gjitha masat dhe t’i kthehemi normalitetit, por derisa kufizimet po hiqen, masat mbrojtëse do të shtohen vazhdimisht. Kufijtë do të happen, por masat mbrojtëse do të shtohen dhe kjo do të ndodhë në secilin shtet, duhet të ketë përgjegjës individuale dhe kolektive”, ka thënë Vitia.
Sipas tij, hapja e kufijve nuk varet vetëm nga pala kosovare.
“Po mendoj që në fund të kësaj faze, apo në fillim të fazës tjetër, nuk do të varet veç nga ne, por edhe nga shtetet tjera, të rajonit dhe më gjerë”, ka thënë ai, përcjell albinfo.ch.
Ai foli edhe për hapjen e kafiterive. “Nuk besoj se do të ketë ndonjë problem që nga 1 qershori të mos hapen kafeteritë, por mbetet të bëhet një analizë”.
Vitia ka thënë se është lajm i mirë që sot nga lista e parë e 83 të testuarve nuk ka asnjë të infektuar me coronavirus.
Tutje, Vitia bëri të ditur se në fund të majit do të mbyllet karantina në Qendrën e Studentëve në Prishtinë. “Deri në fund të këtij muaji do të mbyllet edhe karantina, në përputhje me situatën e re epidemiologjike në vend dhe në bashkërendim me veprimet e shteteve të rajonit, por jo vetëm, edhe më gjerë. Në fazën e tretë parashihen masa të reja lehtësuese që do të çlirojnë edhe më tepër ekonominë”, tha Vitia. Faza e tretë e lehtësimit të masave fillon më 1 qershor.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla