Njoftim për qytetarët shqiptarë që duan të kthehen në Francë

Ambasada e Francës në Tiranë njofton qytetarët e interesuar për t’u kthyer në Francë, për fluturimin e Air Albania nga Tirana në Paris më 5 qershor.

Ambasada e Francës informoi se “një fluturim i ri vajtje-ardhje i kompanisë Air Albania nga Tirana në Paris Roissy Charles de Gaulle është parashikuar për ditën e premte, 5 qershor ora 12:00”, përcjell albinfo.ch.

“Ju lutemi personave të interesuar të kontaktojnë sa më shpejt me shërbimin konsullor në adresën elektronike email [email protected] duke dërguar numrin e telefonit ose WhatsApp-in”, shkruan ambasada.