Lajme
Zvicra, e “befasuar” nga Austria, nuk pranon hapjen e njëanshme të kufijve
Zvicra ka vendosur t`i përmbahet planit fillestar. Sipas tij, hapja e plotë e kufirit me Austrinë, Gjermaninë dhe Francën do të bëhet më 15 qershor
Pasi që Qeveria e Austrisë “u ngut” për të hapur kufijtë për shtatë vendet fqinje që prej nesër të enjten, Zvicra ka vendosur t`i përmbahet planit fillestar. Sipas tij, hapja e plotë e kufirit me Austrinë, Gjermaninë dhe Francën do të bëhet më 15 qershor.
Këtë e ka bërë sot të ditur Sekretariati Shtetëror për Migracionin (SEM), shkruan srf.ch.
Sot ndërkaq, Italia ka hapur kufijtë e saj me fqinjtë, përfshirë Zvicrën. Këtë veprim ajo e kishte paralajmëruar rreth dy javë më parë dhe ky njoftim nuk ishte pritur me shumë dashamirësi nga Zvicra. Kjo e fundit kishte këmbëngulur në mbajtjen edhe më tej të mbyllur të kufirit me Italinë, nga ana e saj.
Siç është raportuar tashmë, Zvicra, Austria dhe Gjermania kishin prezantuar tashmë një seri lehtësimesh të trafikut ndërkufitar midis tre vendeve që më 16 maj, transmeton albinfo.ch.
Kalimet kufitare midis Zvicrës dhe Austrisë, ashtu sikurse edhe mes Zvicrës e Gjermanisë, kanë qenë të hapura që atëherë; bëhen vetëm kontrolle kufitare të bazuara në rrezik, por jo kontrollime sistematike.
Për më tepër, për hyrjen nga Zvicra në Austri, që nga 16 maj, nuk ka qenë më në fuqi asnjë masë sanitare kufitare.
Turizmi për blerje midis dy vendeve dhe hyrja në Zvicër për arsye turistike do të lejohen përsëri jo përpara 15 qershorit, përcjell albinfo.ch. Kalimi në Austri dhe nga Austria përmes Zvicrës është i mundur vetëm nëse personi largohet përsëri nga Zvicra. Z
vicra gjithashtu po përpiqet të hapë mundësinë e udhëtimeve në të gjithë zonën e Shengenit sa më shpejt që të jetë e mundur, shkruan SEM.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Drejt fundit të tarifës së dyfishtë të energjisë elektrike: përshtatja dhe ndryshimet në konsumin e energjisë Midis zhvillimeve teknologjike dhe tranzicionit drejt energjive të rinovueshme, peizazhi i energjisë zvicerane po pëson transformime...
-
Mostransparencë e plotë në marrëveshjet mes siguruesve dhe spitaleve private
-
Procedura e shpejtë e azilit zbatohet në katër nga gjashtë qendrat federale
-
Bernë: Parukierja me kombinim të pazakontë – prerje, larje dhe këshilla juridike
-
Zgjedhjet Evropiane 2024: Një e katërta e popullsisë zvicerane ka të drejtë vote