40 milionë euro investim për zgjerimin e infrastrukturës së biçikletave në gjithë Austrinë

Buxheti i financimit u rrit dhjetëfish në krahasim me një vit më parë.

Ministrja e Mbrojtjen së Klimës në Austri, Leonore Gewessler, ka bërë të ditur se është duke investuar 40 milionë euro në zgjerimin e infrastrukturës së biçikletave në gjithë Austrinë. Buxheti i financimit u rrit dhjetëfish në krahasim me një vit më parë.

Ministrja shkroi në llogarinë e saj në Twitter se ndërtimi i shtigjeve të biçikletave do të bëjë më të lehtë rrugëtimin dhe kështu do ta përmirësojë edhe ekonominë.

“Me financimin e biçikletave, ne po krijojmë 18,000 punë të sigurta në Austri. Një fokus i programit të financimit të këtij viti është zgjerimi i shtigjeve të biçikletave me shpejtësi të lartë që rrisin çiklizmin nga zona urbane. Ministria e Mbrojtjes dhe Klimës do të marrë përsipër gjysmën e kostos së ndërtimit të rrugëve të reja të çiklizmit”, ka shkruar ministrja Gewessler.

---