Masat kundër pandemisë kanë shpëtuar mbi 3 milionë jetë njerëzish

"Asnjë ndërmarrje tjetër njerëzore nuk ka shpëtuar ndonjëherë kaq shumë njerëz në një kohë kaq të shkurtër," ka thënë udhëheqësi i studimit nga UC Berkeley (SHBA)

Masat e ndërmarra kundër përhapjes së koronavirusit, sipas analizave, kanë parandaluar rreth 3.1 milion vdekje. Dhe kjo, vetëm në njëmbëdhjetë vende evropiane, në periudhën deri në fillim të majit, shkruan srf.ch.

Bllokimi i zbatuar në shkallë të gjerë, përfshirë këtu mbylljen e kufijve, ndërprerjen e kontakteve dhe mbylljen e shkollave, ka bërë të mundur monitorimin e rrjedhës së pandemisë.

Kështu aporton në revistën “Nature” një ekip studimor britanik i udhëhequr nga Seth Flaxman nga Imperial College London (Britani e Madhe) pasi ka analizuar numrin e vdekjeve nga koronavirusi, transmeton albinfo.ch.

Deri më 6 prill, masat kishin parandaluar rreth 530 milion infeksione vetëm në gjashtë vende, raporton një ekip i dytë i studiuesve, në po të njëjtën revistë “Nature”. Deri në atë datë, ata kishin analizuar rrjedhën e infeksionit në Kinë, Korenë e Jugut, Itali, Iran, Francë dhe SHBA.

“Unë mendoj se asnjë ndërmarrje tjetër njerëzore nuk ka shpëtuar ndonjëherë kaq shumë njerëz në një kohë kaq të shkurtër,” ka thënë udhëheqësi i studimit Solomon Hsiang nga UC Berkeley (SHBA).

Të 11 vendet ishin: Gjermania, Franca, Italia, Britania, Spanja, Belgjika, Austria, Danimarka, Norvegjia, Zvicra dhe Suedia.

---