Kosova
Mustafa propozon shkarkimin e Vjosa Osmanit nga funksionet në LDK
Propozohet që të shkarkohet Vjosa Osmani nga posti i nënkryetares si dhe anëtares së Kryesisë së LDK-së. Një propozim të tillë e ka bërë vetë kryetari i kësaj partie, Isa Mustafa, i cili përmes një letre drejtuar Këshillit të Përgjithshëm të partisë ka kërkuar që Avdullah Hoti të marrë pozicionin e Osmanit, përcjell albinfo.ch.
Mustafa në këtë letër ka thënë se në seancën e Kuvendit, ku u votua mosbesimi ndaj Qeverisë Kurti, Osmani doli në kundërshtim me qëndrimin e Kryesisë së LDK-së, duke bërë apel të mos votohet mocioni.
Gjithashtu, sipas tij, ajo vazhdoi publikisht me kundërshtimin e koalicionit aktual, i cili përbën Qeverinë Hoti.
Mustafa thotë se Osmani iku nga përgjegjësia për ta drejtuar seancën e Kuvendit për zgjedhjen e Qeverisë së drejtuar nga LDK-ja.
“Si Kryetar i LDK-së e kam për obligim të kujdesem për zbatimin e Statutit të Lidhjes Demokratike të Kosovës dhe rrjedhimisht për zbatimin e vendimeve të organeve të LDK-së. Ju përkujtoj se Statuti i LDK-së në nenin 14, pika 14.2 shprehimisht thotë: ‘Anëtarët e LDK-së nuk mund të jenë në pozita, organe dhe forume të LDK-së, nëse ata publikisht refuzojnë dhe i mohojnë vendimet e organeve dhe forumeve, anëtarë të të cilëve janë’. Organet e LDK-së, sipas Statutit janë: Kuvendi i LDK-së, Këshilli i Përgjithshëm i LDK-së, Kryetari i LDK-së dhe Kryesia e LDK-së; pastaj Forumi i Gruas së LDK-së dhe Forumi Rinor i LDK-së”, thuhet në letrën e Mustafës.
Ai ka treguar se anëtarët e LDK-së deri në orën 19:00 mund të votojnë në mënyrë elektronike./albinfo.ch
Të ngjashme
Të tjera nga Kosova
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Thun
Jehon kënga e vallja shqipe në sheshin e qytetit Thun
-
Shqipëri: A do të mundësohet vota e emigrantëve në zgjedhjet 2025?
Jeta në Zvicër
-
Operacioni Pandora: Qendrat e thirrjeve mashtruan edhe në Zvicër Falë hetimeve të Europolit, dymbëdhjetë qendra të thirrjeve kriminale u shkatërruan. Mashtruesit ishin aktivë edhe në...
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich
-
Maratona e Gjenevës në fundjavë, shumë rrugë do të mbyllen