Lajme
Turistët amerikanë mund të ndalohen të hyjnë në Evropë
Udhëtarët amerikanë duket që do ta kenë të ndaluar hyrjen në BE pas rihapjes së kufijve më 1 korrik, sipas raportimeve. Ndërsa, ata nga Australia dhe Zelanda e Re ka të ngjarë të lejohen.
Evropa do të rihapë kufijtë e saj të jashtëm më 1 korrik, por turistët amerikanë mund të mos lejohen të udhëtojnë, sepse SHBA ende konsiderohet një rrezik për shkak të numrit të lartë të rasteve me Covid-19, shkruan thelocal.ch, përcjell albinfo.ch.
Vende të goditura fort, si Brazili, Meksika, Rusia dhe India, po përballen gjithashtu me një ndalim të vazhdueshëm të udhëtimit. Zyrtarët e BE-së raportohet se me përpikëri po hartojnë një listë të vendeve që do të lejohen të hyjnë në BE, kur kufijtë të hapen më 1 korrik, si dhe një listë të vendeve që nuk do t’u lejohet hyrja. Listat përfundimtare nuk janë publikuar, sidoqoftë, një diplomat i BE-së i tha agjencisë së lajmeve Reuters: “Nuk ka asnjë listë (të vendeve), vetëm një listë të kritereve”. BE pritet të publikojë listat përfundimtare deri më 1 korrik. Lista do të rishikohet “rregullisht” dhe vendet mund të shtohen ose të tërhiqen në varësi se sa aktiv është virusi në ato vende.
BE ka deklaruar se vendeve duhet t’u jepet drita jeshile nëse shkalla e infektimit të tyre është e njëjtë ose më e mirë se mesatarja e BE-së. Nëse vlerësohen më keq, atëherë njerëzve që udhëtojnë nga ato vende nuk do të lejohen të hyjnë.
SHBA ka raportuar më shumë se 2.3 milionë raste të koronavirusit dhe 120,000 vdekjeve të lidhura me virusin – më shumë se çdo vend tjetër. Sidoqoftë, shtetasit nga vendet si Zelanda e Re dhe Australia me siguri do të lejohen të udhëtojnë përsëri në BE pas 1 korrikut, duke pasur parasysh shkallët e ulëta të infeksionit në ato vende dhe suksesin që ata kanë pasur në kontrollin e pandemisë, përcjell tutje albinfo.ch.
Të ngjashme
Të tjera nga Lajme
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve