Si do t’i mbrojë Zvicra të moshuarit në një valë të dytë

Zvicra ka përshkruar planet për të mbrojtur të moshuarit në rast të një valë të dytë me koronavirus

Një forcë shkencore e krijuar për të ndihmuar Këshillin Federal për koronavirusin, ka rekomanduar disa hapa për të mbrojtur të moshuarit gjatë një vale të dytë të koronavirusit.

Duke pasur parasysh që shumë prej shkatërrimeve të shkaktuara nga virusi erdhën duke u përhapur nëpër shtëpitë e të moshuarve, studiuesit dëshirojnë të krijojnë barriera shtesë që parandalojnë që personat e moshuar të infektohen, shkruan The Local, përcjell albinfo.ch.

Plani tregon një qasje të ndryshme nga ajo që u miratua gjatë bllokimit që filloi në mars.

Në vend që të mbyllet popullata në tërësi, përqendrimi është vendosur për ata që janë më të prekur nga virusi – d.m.th ata me kushte para-ekzistuese, por kryesisht personat e moshuar.

Kjo përfshin rezervimin e kabinave speciale në transportin publik vetëm për njerëzit e moshuar, krijimin e zonave në restorante vetëm për të moshuarit dhe shënimin e zonave të veçanta të rrugëve që mund të përdoren vetëm nga njerëzit e moshuar.

Krijimi i dritareve të posaçme për blerje – kohë në të cilat vetëm të moshuarit mund të blenë – në supermarkete gjithashtu është shikuar si mundësi, pasi ajo u zbatua më parë në Ticino gjatë bllokimit, përcjell tutje albinfo.ch.

Task-forca tha se përparësia ishte të sigurohej siguria e zviceranëve të moshuar, ndërsa gjithashtu të sigurohej që ata nuk përjashtohen nga jeta publike. Të moshuarit duhet të jenë në gjendje të “marrin pjesë në jetën shoqërore dhe në të njëjtën kohë të jenë në gjendje të mbrohen në mënyrë të duhur”, thanë autorët.

Një qëllim tjetër ishte krijimi i një ndjenje më të sigurt në hapësirat publike pasi “disa të moshuar kanë frikë të dalin jashtë”, përcjell tutje albinfo.ch.

Një ide është të krijoni një kabinë ose një makinë e cila është e rezervuar për të moshuarit. Kjo jo vetëm që siguron një ndarje nga publiku i gjerë, por ka të ngjarë të mundësojë distancim më të madh shoqëror.

Në Ticino në prill, supermarketet prezantuan një “dritare të posaçme për blerje” në fillim të ditës, e cila duhej të përdorej vetëm për të moshuarit.

Në kantonin jugor të Zvicrës, që ishte më e goditura për sa i përket vdekshmërisë, supermarketet u hapën më herët se 10:00 për përdorimin ekskluziv të të moshuarve.

Disa ide të tjera përfshinin bërjen e hapësirave të caktuara publike dhe private ekskluzivisht të përdorshme nga të moshuarit, transmeton albinfo.ch.

 

---