Bülach (ZH): Arrestohen në një klub tri animatore shqiptare, pa leje pune

Bëhet fjalë për arrestimin e tri grave nga Shqipëria, të cilat punonin si animatore ose këngëtare, pa leje pune

Gjatë natës në mes të të premtes dhe të shtunës (26/27 qershor 2020), Policia Kantonale e Cyrihut ka bërë një kontroll në një klub në rrethin Bülach, me ç`rast ka arrestuar tre persona, shkruan polizeinews.ch.

Bëhet fjalë për arrestimin e tri grave që punonin si animatore ose këngëtare, pa leje pune, transmeton albinfo.ch. Ato janë dërguar në zyrën e prokurorit publik në Winterthur / Unterland, e cila është kompetente për këtë regjion.

Drejtuesja 45-vjeçare e klibut ashtu si dhe punëdhënësi i saj, duhet të përgjigjen në mënyrë të barabartë  para prokurorit publik, thuhet më tej në njoftimin e policisë.

Të arrestuarat janë tri gra midis moshës 29 dhe 45 vjeç. Të gjitha vijnë nga Shqipëria.

Në klubi gjithashtu është pirë duhan edhe jashtë zonës së lejuar (fumoir) dhe të paktën njëra nga këngëtaret ka qëndruar në një dhomë prapa lokalit, përcjell albinfo.ch. Si e tillë dhoma në fjalë nuk lejohet për këtë destinim.

Prandaj, përveç Ligjit për të huajt dhe Integrimin, në këtë rast do të gjejë zbatim edhe ligji i hotelerisë, ai për duhanpirësit pasiv si dhe legjislacioni i planifikimit dhe ndërtimit.

---