2 ditë pas promovimit, 747.000 veta përdorin aplikacionin SwissCovid

Ky aplikacion shërben si një ndihmë për gjurmimin klasik të kontaktit. Përdorimi është vullnetar, falas dhe i disponueshëm në nëntë gjuhë

Në 24 orët e kaluara, 180.048 persona të tjerë kanë aktivizuar aplikacionin e ri SwissCovid. BAG raporton tani 746.942 aplikacione aktive ndërsa dje ishin rreth 570.000 të tillë, shkruan srf.ch

Me aplikacionin Swiss-Covid për telefonat mobil, përdoruesit paralajmërohen nëse kanë pasur kontakte të ngushta me një person i cili më pas është testuar pozitiv, transmeton albinfo.ch. Kushdo që është detyruar të hyjë në karantinë pas një paralajmërimi të urdhëruar nga një mjek ose nga një autoritet shtetëror ka të drejtë për kompensim në emër të koronavirusit.

Aplikacioni është krijuar për të ndihmuar në ndërprerjen e zinxhirëve të infeksionit me koronavirus. Ky aplikacion shërben si një ndihmë për gjurmimin klasik të kontaktit. Përdorimi është vullnetar, falas dhe i disponueshëm në nëntë gjuhë.

---