Lajme
Mbi 10 milionë të infektuar me Covid
Duket se numri në rang botëror i infeksioneve me koronavirus ka arritur në mbi 10 milionë, transmeton albinfo.ch.
Universiteti Johns Hopkins raportoi se sot janë shënuar 10,186,833 raste që prej fillimit të pandemisë. SHBA vazhdon të udhëheqë për nga numri i të prekurve me COVID-19 me më shumë se 2.6 milionë, ndjekur nga Brazili me 1.3 milion raste. Rusia renditet në vendin e tretë me më shumë se 600 mijë të infektuar.
Me rritjen e infektimeve, ka reaguar edhe mjeku shqiptar nga Berlini, Fahri Beqa i cili është shprehur se rritja e të prekurve është shqetësuse, shkruan albinfo.ch.
“Sot më 28.06.2020, numri i të infektuarve në botë kalon mbi 10 milion dhe trajektorja vazhdon ende të ngritet në mënyrë eksponenciale, ndërsa numri i të vdekurve kalon sot për herë të parë mbi 500 mijë… Barna dhe vaksinë ende nuk ka. Parandalimi mbetet standard i artë (mbajtja e maskës, mbajtja e distancës dhe masat higjienike). Nga imuniteti i tufës jemi shumë, shumë largë” është shprehur ai.
Gjithashtu SHBA renditet e para në botë për nga numri i vdekjeve si pasojë e koronavirusit me 125.039, që nga fillimi i pandemisë.
Për shkak të pandemisë koronavirusit një gjykatëse federale amerikane urdhëruar administratën e Presidentit Donald Trump të lirojë fëmijët dhe prindërit e tyre të cilët janë mbajtur për më shumë se 20 ditë në tre qendra të paraburgimi në Teksas dhe Pensilvani. Gjykatësja Dolly Gee shkruante se qendrat “janë” në zjarr” dhe nuk ka më kohë për masa “gjysmake”. Të premten SHBA vendosi një tjetër rekord ditor për sa i takon numrit të raste të reja me koronavirus, duke tejkaluar për herë të parë 40,000 të prekur.
Rritja e numrit të të infektuarve bëri që shtete si Florida dhe Teksasi të njoftojnë rimbylljen e bareve dhe vendosjen e masa kufizuese të reja në përpjekje për të ndaluar përhapjen e virusit. Të premten grupi i punës i Shtëpisë së Bardhë që menaxhon përpjekjet kundër pandemisë zhvilloi konferencën e parë publike pas gati dy muajsh. Presidenti Trump nuk mori pjesë.
Organizata Botërore e Shëndetësisëbëri të ditur të premten se nevojiten më shumë se 30 miliardë dollarë gjatë vitit të ardhshëm për të zhvilluar dhe prodhuar teste kundër COVID-19, vaksina e trajtime të tjera.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Pse 1 Maji nuk është festë publike kudo në Zvicër? Dita Ndërkombëtare e Punëtorëve shënohet më 1 maj, por vetëm disa pjesë të Zvicrës e festojnë...
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër
-
Zvicër: Priten qira akoma më të shtrenjta gjatë vitit të ardhshëm