Lajme
Zvicra do të hapë kufijtë për shtetet që kanë marrë dritën jeshile nga BE-ja
SEM: "Zvicra dëshiron të heqë kufizimet e hyrjes për vendet e treta nëse është e mundur në koordinim me vendet e tjera të Shengenit"
Vendet e BE-së kanë vendosur që, duke filluar nga e mërkura, t`ua lejojnë përsëri hyrjen të huajve nga 14 shtete. Këtu përfshihen shtetet si: Australia, Kanadaja, Japonia etj., dhe, kushtimisht, edhe Kina, shkruan srf.ch.
Shtetet e Bashkuara të Amerikës nuk bëjnë pjesë në këtë listë.
Zvicra duket se do të adoptojë këtë rregullore evropiane, transmeton albinfo.ch. Pyetjes së SRF News lidhur me këtë çështje, Sekretariatit Shtetëror për Migracionin (SEM) i është përgjigjur me sa vijon: “Zvicra dëshiron të heqë kufizimet e hyrjes për vendet e treta nëse është e mundur në koordinim me vendet e tjera të Shengenit, përcjell albinfo.ch.
Në varësi të zhvillimit të situatës epidemiologjike në këto vende të treta, ndalesa e hyrjes duhet të hiqet gradualisht dhe në mënyrë sa më të koordinuar që të jetë e mundur”.
Departamenti i Drejtësisë dhe Policisë, në kuadër të të cilit vepron SEM, “do të informojë mediat në kohën e duhur lidhur me heqjen e kufizimeve të udhëtimit”, thuhet në përgjigje.
Zyra Federale e Shëndetit Publik (BAG) nga ana tjetër thekson se do të ekzaminohet paralelisht nëse Zvicra do të vendosë masa të vetat sanitare për udhëtarët që vijnë nga vendet e tilla, transmeton albinfo.ch. Ende nuk është marrë një vendim në lidhje me këtë.
Të rikujtojmë. Këto janë vendet të cilave BE u ka dhënë dritën e gjelbër: Algjeria, Australia, Kanadaja, Gjeorgjia, Japonia, Mali i Zi, Maroku, Zelanda e Re, Ruanda, Serbia, Koreja e Jugut, Tajlandë, Tunizia dhe Uruguai.
Shqipëria, Kosova dhe Maqedonia nuk bëjnë pjesë në mesin e këtyre vendeve.
Të ngjashme
Të tjera nga Lajme
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Pse 1 Maji nuk është festë publike kudo në Zvicër? Dita Ndërkombëtare e Punëtorëve shënohet më 1 maj, por vetëm disa pjesë të Zvicrës e festojnë...
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër
-
Zvicër: Priten qira akoma më të shtrenjta gjatë vitit të ardhshëm