Lajme
Një vaksinë e re ngjall shpresat në luftën kundër Covid-19
Në fazën e parë të testeve klinike, 45 subjekte (persona) të testuar të moshave 18 deri 55 vjeç, kanë zhvilluar antitrupa kundër patogjenit Sars-CoV-2
Një vaksinë e re eksperimentale kundër koronavirusit, e prodhuar nga ndërmarrja amerikane bioteknike “Moderna”, sipas një studimi të publikuar në revistat profesionale, është duke treguar rezultate inkurajuese pas testeve fillestare.
Në fazën e parë të testeve klinike, 45 subjekte (persona) të testuar të moshave 18 deri 55 vjeç, kanë zhvilluar antitrupa kundër patogjenit Sars-CoV-2, shkruajnë mediat botërore sot. Megjithatë, për shkak të periudhës së shkurtër të studimit, ende nuk është plotësisht e qartë nëse dhe për sa kohë antitrupat mbrojnë në të vërtetë kundër një infeksioni me koronavirus, transmeton albinfo.ch.
Në hapin tjetër të radhës vaksina mRNA-1273 tani do të testohet në rreth 30.000 vullnetarë. Testimi do të bëhet nga fundi i korrikut.
Virologia Isabella Eckerle nga instituti i referencës zvicerane në Gjenevë është duke monitoruar nga afër zhvillimin e vaksinave dhe shprehet me një optimizëm të matur, shkruan srf.ch. Megjithatë, ajo paralajmëron: “Se vaksina me të vërtetë mbron nga Covid-19 do të shihet vetëm nga studimet pasuese, në fazën e dytë dhe të tretë”.
Vaksina deri tani është testuar së pari tek vullnetarët e rinj dhe të shëndetshëm, përcjell albinfo.ch. Kështu, ende nuk dihet nëse vaksina është e tolerueshme dhe efektive edhe tek pacientët me rrezik të lartë. “Fundja, njerëzit në rrezik janë veçanërisht të varur nga një vaksinë” është shprehur virologia zvicerane.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse