Lajme
Gjeneva mbyll të gjitha klubet e natës
Javën e kaluar, në Gjenevë u konstatua një rritje prej 40 për qind e rasteve të infeksionit, rritje kjo që vinte nga frekuentimi i lokaleve të natës
Për shkak se numri i infeksioneve vazhdon të rritet në mënyrë alarmante, autoritetet e Gjenevës tani kanë marrë një vendim: të gjitha klubet do të mbyllen përsëri, shkruan sda. Bëhet fjalë për 36 klube të natës ku njerëzit vallëzojnë dhe kështu prekja mes vete është e pashmangshme, transmeton albinfo.ch. Ndërkaq baret ku konsumimi mund të bëhet ulur, nuk do të mbyllen.
Me këtë masë, autoritetet po bëjnë përpjekje të shmangin një numër eksponencial të infeksioneve në popullatë, ka bërë të ditur për mediat, Qeveria Kantonale të premten, transmeton albinfo.ch.
Javën e kaluar, në Gjenevë u konstatua një rritje prej 40 për qind e rasteve të infeksionit, rritje kjo që vinte nga frekuentimi i lokaleve të natës. Për më tepër, gjatë javës së kaluar u desh të shtroheshin më shumë njerëz në spital se më parë.
Nga mbyllja preken klubet e natës, diskotekat, sallat e vallëzimit, kabaretë dhe lokalet e ngjashme. Ndalimi i hapjes do të zgjasë të paktën deri më 23 gusht, përcjell albinfo.ch. Në varësi të zhvillimit epidemiologjik, ky ndalim mund edhe të zgjatet.
Edhe në baret dhe restorantet tjera në Gjenevë kanë nisur të zbatohen regulla më të rrepta. Atje, klientët duhet të ulen në një tavolinë ose banak, ndërkohë që konsumojnë. Duhet të respektohen distancat ndërpersonale ndërsa nuk lejohet pirja gjatë qëndrimit në këmbë
Të ngjashme
Të tjera nga Lajme
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale