Lajme
Winterthur: Sekuestrohen armë gjatë bastisjes së një grupi neonazist
"Në një aksion të orientuar ndaj personave të dyshuar se kultivojnë ide të ekstremizmit të krahut të djathtë dhe duan t`i përhapin ato, janë sekuestruar disa armë zjarri"
Policia e Kantonit të Cyrihut dhe policia e qytetit të Winterthurit kanë realizuar të mërkurën dy bastisje të shtëpive në një mjedis neo-nazist në Winterthur, shkruan srf.ch.
“Në një aksion të orientuar ndaj personave të dyshuar se kultivojnë ide të ekstremizmit të krahut të djathtë dhe duan t`i përhapin ato, janë sekuestruar disa armë zjarri”, shkruan policia e kantonit në një komunikatë të saj.
Sipas informacionit, në shënjestër të aksionit ishin dy zviceranë të moshës 19-vjeçare, transmeton albinfo.ch. Policia e kantonit të Cyrihut është duke vazhduar hetimet e mëtutjeshme lidhur me rastin.
Vetëm pak ditë më parë, gazeta “Tages-Anzeiger” ka raportuar për një student 19-vjeçar të artit, i cili është shfaqur në internet me emrin Eszil si udhëheqës i grupit neo-nazist të Winterthurit me emrin “Eisenjugend Schweiz” (Rinia e hekurt, Zvicër).
Ndër të tjera, në raportimin e gazetës një mik i fëmijërisë i ekstremistit të krahut të djathtë është cituar të ketë thënë: “Ai më ka treguar koleksionin e tij të e armëve. Një kallashnikov, dy karabina, dy pistoleta. Po kështu ai mbante edhe municion në shtëpi. Të gjitha këto të ligjshme, me licencë për armë”.
“Aksioni ishte rezultat i hetimeve që kanë rrjedhur në një periudhë të gjatë kohore”, thuhet në komunikatën e policisë, përcjell albinfo.ch.
“Por, aktualisht nuk mund të ofrohen informacione të mëtejshme në lidhje me kohën ose procedurën e ndjekur taktike”.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Kantoni i Cyrihut merr masa kundër antisemitizmit Sulmet antisemite në Zvicër dhe jashtë saj kanë alarmuar parlamentin kantonal të Cyrihut. Ai i bën...
-
Mbi katër mijë milionerë në Zvicër
-
Drejt fundit të tarifës së dyfishtë të energjisë elektrike: përshtatja dhe ndryshimet në konsumin e energjisë
-
Mostransparencë e plotë në marrëveshjet mes siguruesve dhe spitaleve private
-
Procedura e shpejtë e azilit zbatohet në katër nga gjashtë qendrat federale