Shaqiri konfirmon të ardhmen e tij

Keystone EPA/PETER POWELL

Në deklaratën e fundit, Xherdan Shaqiri thotë se nuk ka në plan të largohet nga Liverpool këtë verë, përkundër asaj që ai e përshkruan si një sezon “irritues” në 2019/20.

Duhet theksuar se futbollisti shqiptar vuajti për të gjetur një vend në formacion, duke mos mundur të thyejë konkurrencën e Roberto Firmino, Mohamed Salah dhe Sadio Mane.

Kauza e tij nuk u ndihmua gjithashtu nga një seri lëndimesh të njëpasnjëshme, të cilat e kufizuan atë në vetëm 11 paraqitje në të gjitha garat.

“Gjithmonë nëse jeni të dëmtuar ose nëse nuk jeni duke luajtur, ju jeni të irrituar”, tha ai në faqen e internetit të klubit.

“Por mezi pres këtë sezon dhe përpiqem të ndihmoj ekipin gjatë gjithë kohës, kështu që kam mundësinë të luaj si sezonin e parë”.

“Si ekip, thjesht dua që ne të arrijmë shumë gjëra. Unë mendoj se kemi shumë lojtarë të mirë në ekipin tonë, të gjithë mund të luajnë dhe të përpiqemi t’i vështirësojmë zgjedhjet për trajnerin”, vijoi Shaqiri. /Albinfo.ch