Lajme

Situata e Opozitarit rus Navalny është e rëndë

E martë, 25 Gusht 2020 - 17:11 Drita
Keystone EPA/CLEMENS BILAN

Mjekët gjermanë zbulojnë detaje nga helmimi i kritikut të Putinit.

Analizat klinike të politikanit opozitar rus Aleksej Navalny flasin për helmim njoftoi një zëdhënëse e spitalit Charité në Berlin. Sipas saj gjendja e tij shëndësore është serioze, por aktualisht nuk ka rrezik akut për jetën.

Opozitari Navalny nuk është në rrezik vdekjeje, por situata e tij është e rëndë, tha zëdhënësja e klinikës.

Mjekët e spitalit Charité në Berlin mendojnë se Navalnyn ndoshta e kanë helmuar me një substancë nga grupi i frenuesve të kolinesterazës.

Me një substancë të këtij grupi u helmua  para dy vjetësh në Londër agjenti i dyfishtë Sergej Skripal. Gjithsesi sipas njoftimeve të klinikës substanca e saktë me të cilën është helmuar Navalny ende nuk dihet.

Edhe qeveria gjermane mendon se kanë të bëjnë me helmim duke u shprehur se pas gjithë gjasash Navalnyn e kanë helmuar.

Edhe pse qeveria gjermane sqaroi se Aleksej Navalny nuk është i ftuar i qeverisë gjermane, reparti ku po kurohet Navalny në Berlin po ruhet nga nëpunës të Policisë Federale Gjermane, përcjell albinfo.ch.

 Të ngjashme

Gjysmë milion euro ryshfet nga mjekët gjermanë

 Të tjera nga Lajme

Caktohet gjyqtari i ndeshjes Sllovaki–Kosovë

 E-Diaspora

 Jeta në Zvicër