Muzikë
Shqiptarja që mahniti jurinë e “The Voice Kids” në Belgjikë, kualifikohet në finale
Shqiptarja që mahniti publikun me paraqitjen e saj është favorite për të fituar edicionin e sivjetmë të “The Voice” në Belgjikë , shkruan albinfo.ch.
Shqiptarja Gala Aliaj, me zërin e saj doli mahnitëse dhe u bë temë diskutimi në tërë Belgjikën dhe Gjermaninë për ngjyrat e zërit të saj dhe mjeshtrinë e këndimit.
Vajza e artistit shqiptar Robert Aliaj, Gala, ka marrë vlerësime maksimale nga juria e “The Voice Kids” në Belgjikë, transmeton albinfo.ch.
Vajza e vogël, Gala, ka mahnitur jurinë e “The Voice Kids”, duke shkëlqyer në fazën e audicioneve duke kaluar me sukses një pas një të gjitha fazat, ndërsa tani ka arritur në finalen e madhe të këtij spektakli.
Gala konkurroi me këngën “Don’t know why” të Norah James dhe bëri që të katër anëtarët e jurisë të kthenin karriget që në notat e para muzikore. Ajo me performancën e saj ka bërë që publiku dhe juria e “The Voice” të ngrihet në këmbë, transmeton albinfo.ch.
Fitorja e parë e Galës në këtë show bëri që familjarët e saj të emocionoheshin, e sidomos babai i saj, Roberti. Arritjen e më të voglës së familjes Aliaj e shpërndau në “Instagram” Arbër Çepani. Arbëri shkruan i bindur se ajo do të arrijë majat e suksesit botëror dhe se ka bërë krenar fisin e tyre.
Duhet theksuar se ajo në gjysmëfinale këndoi këngën e njohur “Stop The Flame”, të artistes së famshme Celeste.
Interpretimi i shkëlqyer i siguroi asaj finalen në këtë spektakël, i cili nisi me audicionet e fshehura rreth gjashtë muaj më parë.
Lajmin për këtë sukses e ka bërë të ditur vetë babai i Galës, Roberti, përmes një videoje të performancës së saj, të publikuar në rrjetin social Instagram. /Albinfo.ch
Të ngjashme
Të tjera nga Muzikë
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Forumi i Gjenevës bashkoi një numër të madh ndërmarrësish shqiptarë e zviceranë Forumi shqiptaro-zviceran (Real Estate, investime dhe financa), i mbajtur të premten (19.04.2024) në Centre de l’Espérance/8...
-
Qeveria planifikon ndihma për banim edhe për pensionistët e invaliditetit
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas