Lajme
1000 veta në Gjenevë protestojnë kundër masave të koronavirusit
Folësit, në fjalimet e tyre, kanë denoncuar mbajtjen e maskave, "gënjeshtrat e medias" dhe "masat shtrënguese të politikanëve"
Në Gjenevë, rreth një mijë njerëz janë tubuar në Place des Nations të shtunën pasdite dhe kanë protestuar kundër masave për mbrojtje nga koronavirusi. Demonstrata ishte miratuar nga autoritetet e qytetit, shkruan sda.ch.
Një numër folësish kanë dalë njëri pas tjetrit gjatë pasdites në podiumin e ngritur në “Place des Nations”, përballë selisë së OKB, transmeton albinfo.ch. Ata, në fjalimet e tyre kanë denoncuar mbajtjen e maskave, “gënjeshtrat e medias” dhe “masat shtrënguese të politikanëve”.
Vetëm një pakicë shumë e vogël e demonstruesve mbanin maska mbrojtëse. Disa të tjerë kishin vënë maska kundër gazit. Një protestues kishte mbuluar kokën me një maskë me hundë në formë të sqepit, që disa mjekë në Evropë mbanin kur trajtonin të sëmurët nga murtaja në mesjetë.
Është brohoritur po ashtu kundër Organizatës Botërore të Shëndetësisë (OBSH), e cila është afër sheshit të përmendur, përcjell albinfo.ch. Kjo organizatë është akuzuar për dëshirën e saj që të bëjë vaksinime në të gjithë botën, sipas protestuesve, dhe që të jetë në duart e grupeve të caktuara të interesit.
Folësit e ndryshëm kanë kundërshtuar të jenë ekstremistë të djathtë, komplotistë, racistë ose psikopatë. Sipas mendimit të tyre, bëhet fjalë vetëm për vetëmobilizim për të dalë nga një situatë “konfuze”, transmeton albinfo.ch. Në këtë mënyrë duhet kthyer në një jetë në të cilën ia vlen të jetosh, në të cilën është e mundur të “marrësh frymë lirisht dhe të lëvizësh lirshëm”.
Të ngjashme
Të tjera nga Lajme
E-Diaspora
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij U ishte thënë se do të duhej të paguanin 800 franga për të realizuar një termin,...
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
-
Shqiptari plagos rëndë shqiptarin në Belgjikë
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
-
Mes një mijë konkurrentëve, shqiptarja fiton çmimin e tretë në finale e madhe të “Sanremo Junior”
Jeta në Zvicër
-
Më shumë hapësira parkimi elektrik në Gjenevë Ka më shumë hapësira mbushje elektrike në parkingjet e Gjenevës. Fondacioni des Parkings thotë se po...
-
Pse kompanitë në Zvicër duhet të paguajnë taksat e kishës?
-
Organizata zvicerane e turizmit zbulon logon e saj të re
-
Cyrih: Adoleshentët aksidentohen, i ikën policisë
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij