Kosova
Pas lehtësimit të masave, bizneset kërkojnë lejimin e dasmave
Pandemia ka goditur shumë rëndë bizneset në Kosovë, ndërkohë që deputetët ende nuk e kanë miratuar Ligjin për Rimëkëmbje Ekonomike
Pandemia e koronavirusit ka goditur shumë rëndë bizneset në Kosovë, që edhe më parë janë gjendur në vështirësi.
Qeveria e Kosovës ka disa muaj që ka ndaluar mbajtjen e dasmave dhe nga kjo kanë pësuar shumë biznese, përcjell albinfo.ch.
Pas lehtësimit të masave, këto biznese kërkojnë lejimin e mbajtjes së dasmave, gjithmonë duke respektuar masat e Covid-19.
Sikur të mos mjaftonte goditja nga pandemia, bizneset po ankohen se ato nuk po ndihmohen nga shteti. Ligji për Rimëkëmbjen Ekonomike disa herë ka shkuar në Kuvendin e Kosovës, por nuk është miratuar, edhe pse si i tillë, është jetik për shumë biznese.
Fehmi Fetahu, kryetar nderi i Rrjetit të Bizneseve Shqiptare në Zvicër, thotë se bizneset do ta kenë vështirë të mbijetojnë.
“Nuk mund të jemi të kënaqur, kur Ligji për Rimëkëmbje Ekonomike nuk është miratuar. Kështu shumë biznese rrezikohen të shuhen. Shumë familje varen nga ky Ligj, por që fatkeqësisht nuk është miratuar. Ne i bëjmë thirrje Qeverisë së Kosovës të intervenojë urgjentisht, sepse gjendja është e rëndë”, ka thënë Fetahu për albinfo.ch.
Ai kërkon lejimin e mbajtjes së dasmave. “Pse të mos organizohen edhe dasmat në Kosovë, kur janë lejuar shumë aktivitete tashmë, me lehtësimin e masave. Dasmat gjithashtu janë të lejuara në shumë shtete. Ne do të respektojmë masat e Covid-19. Shumë biznese varen nga dasmat”, thotë Fetahu.
Gastronomët e Kosovës janë prekur shumë nga kjo pandemi dhe duhet shikuar mënyra si të ndihmohen e jo të ketë kufizime në orar, muzikë apo edhe te dasmat”, shton tutje Fetahu, i cili të gjitha investimet i ka bërë në vendin e tij të lindjes në Përlepnicë të Gjilanit, në kompleksin, “Vali Ranch”.
Ai ka bërë thirrje që të ndihmohet sektori privat në Kosovë, që është prekur shumë nga pandemia.
Mijëra punëtorë dhe familje presin ndihmë nga institucionet e Kosovës. Shumë biznese janë mbyllur në Kosovë nga marsi, por edhe shumë të tjera rrezikojnë të mbyllen.
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale