Mbledhja e përbashkët e Qeverisë së Shqipërisë dhe Kosovës, nesër në Tiranë

“Për një rajon pa kufinj” do të jetë moto e takimit të Qeverisë së Kosovës dhe Shqipërisë në mbledhjen e dy qeverive që do të mbahet nesër në Tiranë, raporton Albinfo.ch.

Përveç 15 marrëveshjeve që do të nënshkruhen, do të hartohet edhe një deklaratë e përbashkët e cila do të ratifikohet në Kuvendet e dy shteteve ku në fokus është zotimi për të përmbushur marrëveshjet e nënshkruara.

Ndërkohë Qeveria e Shqipërisë ka zbardhë agjendën e mbledhjes së dy qeverive, asaj shqiptare dhe kosovare.

Mbledhja e përbashkët e qeverive pritet të fillojë në ora 11:30.

AXHENDA E MBLEDHJES SË DY QEVERIVE TË REPUBLIKËS SË SHQIPËRISË DHE REPUBLIKËS SË KOSOVËS:

11.00 – Mbërritja e delegacionit të Republikës së Kosovës përpara Pallatit të Kongreseve (Vendi: Pallati i Kongreseve)

11.15 – Mbërritja e Sh.T. Avdullah Hoti, Kryeministër i Republikës së Kosovës në Bulevardin Dëshmorët e Kombit

11.30 – Çelja e sesionit plenar të mbledhjes së dy Qeverive Shqipëri-Kosovë (Vendi: Holli kryesor, Pallati i Kongreseve)

Fjalë e Z. Edi Rama, Kryeministër i Shqipërisë

Fjalë e Sh.T. Avdullah Hoti, Kryeministër i Republikës së Kosovës

Fjalë të shkurtra nga anëtarë të dy kabineteve për të parashtruar çështjet kryesore dhe marrëveshjet për nënshkrim

Z. Edi Rama, Kryeministër i Shqipërisë përmbyll sesionin plenar

12.45 – Ceremonia e nënshkrimit të marrëveshjeve ndërqeveritare

(Vendi:Holli kryesor, Pallati i Kongreseve)

13.00 – Konferencë e përbashkët për shtyp e dy Kryeministrave

(Vendi:Holli kryesor, Pallati i Kongreseve)

13.30 – Foto e përbashkët (Vendi :Holli kryesor, Pallati i Kongreseve)

---