Kurz dhe kabineti i tij, negativë në testin e koronavirusit

Pas infektimit me koronavirus të një bashkëpunëtori të kancelarit, Sebastian Kurz, pjesa më e madhe e qeverisë austriake iu nënshtruan testit tw Covid -19 Të gjitha rezultatet ishin negative, siç u njoftua të martën mbrëma.

Në Qeverinë austriake nuk ka të infektuar me koronavirus, sepse kancelari Sebastian Kurz dhe anëtarët e kabinetit të tij kanë rezultuar negativë në testin e Covid 19, raporton orf.at.

Dje u diagnostikua një nga bashkëpunëtorët më të afërt të kancelarit austriak. Të gjithë anëtarët e Qeverisë austriake menjëherë iu nënshtruan testit të nevojshëm.

Sipas mediave austriake, Kurz ndihet shumë mirë dhe nuk ka simptoma, ndonëse ka qenë në kontakt gjatë javës së kaluar me bashkëpunëtorin e tij, tashmë të infektuar, transmeton Albinfo Austria.

Kancelari synon të vazhdojë punën nga zyra e tij, por do të shmangë takimet personale.

Në shtator numri i infeksioneve me koronavirusi në Austri filloi të rritet përsëri, ndërsa shumica e të infektuarve u regjistruan në Vjenë.

---