Vendim Thaqi, kitaristi shqiptar në Zvicër

Vendim Thaqi, kitaristi shqiptar, i cili jeton dhe punon në Zvicër, në një intervistë rrëfen për rrugëtimin e tij dhe arritjet në fushën e muzikës. Ai flet edhe për projektet dhe planet për të ardhmen, përcjell abinfo.ch.

Vendimi ka përfunduar studimet në Koln/Aechen për kitarë klasike dhe vallëzim, si dhe ndjek studimet master për pedagog të muzikës në Universitetin e Zurich-ut. Ai jep mësim në shkollën e muzikës në Zurich dhe Luzern.

Duke qenë se një ndër sfidat më të vështira për kitaristin shqiptar që jeton dhe vepron në Zvicër, Vendim Thaqin, ishte angazhimi dhe dëshira e madhe në profesionin e muzikës klasike, prapëseprapë ai ka gjetur rrugën e suksesit në punën e tij si pedagog i muzikës/kitarës. Vendimi, shpesh herë mësimdhënien dhe muzikën i quan dy dashuritë e tij të jetës, pasi që i konsideron si dy të arriturat e tij më të mëdha.

Meqë konsiderohet njëri ndër shqiptarët e rrallë që veçohet për punën dhe  suksesin e tij jo vetëm në Zvicër, por edhe në shumë shtete të tjera, ai e konsideron fat të madh se ne vendin ky jeton dhe punon, ka shoqëri nga shumë vende të ndryshme të shqiptarisë, jo vetëm nga Kosova, por edhe nga Shqipëria dhe Maqedonia e Veriut.

Në një intervistë për Telegrafin ai thekson se personalisht për të është një privilegj shumë i madh që  mund të punojë në këtë drejtim dhe është shumë me fat që ka takuar dashamirës që e kanë drejtuar gjatë studimeve; siç është ish-profesori i tij Hans-Werner Huppertz, i cili ja japi dyert për të shkelur në tokën e premtuar në atë të Shteteve të Bashkuara të Amerikës.

Ai ka përfunduar studimet në Koln/ Aachen për Gitarë Klasike dhe Tanz(Vallzim) me rezultate të shkëlqyeshme, ka ligjëruar në SHBA, si i ftuar i “Young Artist in Rezidence“, ku ka përformuar në „Salisbury University (Mariland/USA“. Po ashtu Vendimi ndjek studimin e dytë Master për Pedagog të muzikës në Universitetin e Zurich-ut (ZhDK), dhe ligjëroni në Zurich dhe Luzern, në shkollën e muzikës.

Megjithatë, ai mendon se me punë, përkushtim dhe me sjelljet që bëjmë në përditshmëri, gjithkush është një ambasador për vendlindjen e tij, apo vendin e origjinës, duke mbrojtur gjuhën, kulturën dhe traditën tonë. /Albinfo.ch