Piktori shqiptar pasqyron punën e tij në Gjermani

Ekspozohen pikturat e shqiptarit nga Kosova në Gjermani

Piktori shqiptar, Rifat Gecaj, me veprimtari në Gjermani, së fundi ka bërë të ditur një ekspozim modest të pikturave të tij në Gjermani, shkruan albinfo.ch.

Konsullata e Përgjithshme e Republikës së Kosovës në Mynih gjithmonë ka dyert e hapura dhe është mbështetëse e fuqishme e artit dhe kulturës sonë si dhe ofron promovimin e këtyre vlerave në hapësirat e konsullatës.

Kësaj radhe në ambientet e konsullatës janë ekspozuar dhjetëra piktura të piktorit të mirënjohur nga Kosova, Rifat Gecaj, i cili jeton dhe zhvillon veprimtarinë e tij artistike në Mynih dhe pas shumë ekspozitave në galeritë e njohura të vendeve të ndryshme botërore, si në Amerikë, Itali, Gjermani etj., na nderoi me vizitën e tij në konsullatën tonë.

Në bashkëbisedim me Konsullin e Përgjithshëm, z. Afrim Nura, u theksua rëndësia e prezentimit të artit dhe kulturës si dhe krijuesve të shumtë nga Kosova në skenat artistike bavareze. /Albinfo.ch

---