Protestuesit në Bazel: “Masat e koronës shkelin të drejtat e njeriut”

"Masat e koronës janë plotësisht joproporcionale dhe shkelin të drejtat e njeriut", thotë bashkëorganizatorja Tatiana Chamina

Një tubim i madh kundër masave të Koronës është mbajtur në Bazel të shtunën pasdite. ”

Disa mjekë, satiristi Andreas Thiel dhe ish çiklisti i njohur Andrea Clavadetscher janë njoftuar si folës në një afishe.

“Masat e koronës janë plotësisht joproporcionale dhe shkelin të drejtat e njeriut”, thotë bashkëorganizatorja Tatiana Chamina për 20 minuten. Ajo është pjesë e grupit “Qëndrimi paqësor për të drejtat tona themelore dhe demokracinë”, transmeton albinfo.ch. Duhet të lejohet të vihen në dyshim masat, vazhdon Chamina: “Ato shkaktojnë dëme të mëdha ekonomike dhe psikologjike”.

Në fotografitë e para, qindra pjesëmarrës mund të shiheshin pak pas orës 13:00. Shumë prej tyre nuk mbanin maskë higjienike. Sipas gazetës “Basler Zeitung” janë tubuar rreth 1500 veta. 25 punonjës policie janë në detyrë.

Siç thotë Chamina, leja është marrë për 5,,000 njerëz: “Ne po llogarisim pjesëmarrjen e rreth 3.000 vetave”, përcjell albinfo.ch. Ata janë porositur se duhet t`i përmbahen detyrimit për të mbajtur maskë. Por nëse  mbajnë apo jo, në fund të fundit është përgjegjësia e tyre”.

(Foto: screenshot Youtube)

---