Lajme
Një e treta e zviceranëve, të prirur t`u besojnë teorive konspirative
Studimi zbuloi se një total prej 31.4% e adoleshentëve dhe 35.9% e të rriturve kanë një mentalitet të theksuar konspiracioni, duke i bërë ata më të prirur të besojnë teoritë e komplotit
Një studim i ri tregon se rreth një e treta e zviceranëve kanë një mendim që i bënë ata më shumë të ngjarë të besojnë teoritë konspirative, përcjell albinfo.ch.
Ekspertët paralajmërojnë se kjo rritet në kohë pasigurie siç është Covid-19.
Të shtunën, qindra njerëz u mblodhën në Bazel për të protestuar ndaj masave të koronavirusit. Shumë prej tyre nuk kishin vendosur maska në kundërshtim me ligjet e qeverisë.
Sipas një reporteri të SonntagsZeitung, shumë po brohorisnin ose mbanin shenja duke folur se si maskat shkaktojnë dëm apo janë të padobishme. Përderisa shumë protestues thjesht i rezistojnë ndërhyrjes së qeverisë, disa thjesht besojnë se koronavirusi është një gënjeshtër e shpikur nga media ose qeveria.
Sipas një studimi të botuar në shtator, rreth një e treta e zviceranëve janë të prirur për teori të tilla. Një ekip hulumtues i udhëhequr nga Dirk Baier, kreu i Institutit për Delikuencën dhe Parandalimin e Krimit në Universitetin e Shkencave të Zbatuara të Cyrihut (ZHAW), studioi lidhjet midis gjasave të besimit në teoritë e konspiracionit dhe ekstremizmit të dhunshëm.
Ekipi anketoi mbi 9,000 të rinj dhe 2,000 të rritur në vitin 2019 (para pandemisë) për përgjigje të pyetjeve të tilla si nëse ka organizata sekrete që kanë një ndikim të madh në vendimet politike ose nëse politikanët janë kukulla për forca më të fuqishme. Studimi zbuloi se një total prej 31.4% e adoleshentëve dhe 35.9% e të rriturve kanë një mentalitet të theksuar konspiracioni, duke i bërë ata më të prirur të besojnë teoritë e komplotit.
Studimi zbuloi gjithashtu se mosbesimi në institucione dhe ndjenjat e pafuqisë dhe pasigurisë e rrisin këtë mentalitet.
Rreth gjysma e pjesëmarrësve të studimit nuk kishin interes të angazhoheshin politikisht dhe besonin se është e kotë ta bësh këtë. Baier zbuloi se rreth gjysma e pjesëmarrësve të studimit pajtohen se gjithçka është bërë më e pasigurt dhe duhet të jesh i përgatitur për gjithçka, shkruan swissinfo.ch, përcjell albinfo.ch.
Të ngjashme
Të tjera nga Lajme
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Qeveria planifikon ndihma për banim edhe për pensionistët e invaliditetit Këshilli Federal i propozon Parlamentit ndryshimin e ligjit përkatës për barazimin e pensionistëve IV me pensionistët...
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas
-
Ish-këshilltari federal paralajmëron: Putini shënjestër do ta ketë edhe Zvicrën