Kur do të jetë në dispozicion vaksina COVID-19 në Austri?

Me provat e vaksinave që tregojnë sukses paraprak, kur mund të pritet një vaksinë e koronavirusit në Austri?

Ministri i Shëndetësisë, Rudolf Anschober, ka parashikuar një ‘shtrirje’ të vaksinës së koronavirusit në tremujorin e parë të vitit 2021 – me vaksinën të disponueshme për të gjithë në Austri në tremujorin e dytë, shkruan thelocal.at, përcjell albinfo.at.

Duke folur të mërkurën, Anschober tha se ai priste që vaksina të ishte në dispozicion vitin e ardhshëm, me punonjësit shëndetësorë dhe njerëzit në grupet e rrezikut të parët në radhë, nga janari deri në mars të vitit 2021. Ministria e Shëndetësisë po u jep përparësi njerëzve që janë në “rrezik” më të madh për dozën e parë të vaksinës. Anschober tha se njerëzit me gjendje serioze mjekësore që i bëjnë ata të prekshëm ndaj virusit, si dhe njerëzit mbi moshën 70 vjeç do të kenë përparësi.

Vaksina do të vihet në dispozicion për publikun më të gjerë, tha Anschober.

“Supozoj se popullata tjetër e interesuar mund të vaksinohet gradualisht nga tremujori i dytë e tutje. Tani jemi duke përgatitur logjistikën e vaksinimit për këtë”, tha ai, përcjell tutje albinfo.at.

---