Lajme
Skandal në Parlamentin gjerman, sulmohen fizikisht deputetët e Merkel-it
Sikur të mos mjaftonin përplasjet e dhunshme me policinë, përkrahësit e djathtë gjermanë ia kanë dalë të hyjnë edhe në Bundestag, të ftuar nga partia populiste e krahut të djathtë, Alternativa për Gjermaninë, AFD.
Sipas mediave gjermane, thuhet se ata kanë sharë, ofenduar, sulmuar verbalisht e fizikisht deputetët e Merkel-it, duke krijuar një atmosferë aspak të këndshme. Ky skandal nuk kishte ndodhur asnjëherë me parë.
Ndërkohë, alternativa e ekstremit të djathtë për Gjermaninë, AfD, madje e krahasoi aktin e qeverisë Merkel për mbrojtjen nga infeksionet, i miratuar tashmë nga deputetët, me Aktin Mundësues të vitit 1933, i cili hapi rrugën për diktaturën naziste të Hitlerit.
Mbrojtësit e masave thonë se ky ligji siguron një bazë ligjore më solide për të realizuar ruajtjen e distancës sociale, mbajtjen e maskave në fytyrë, kufizimet në lëvizje, takimet në hapësira private dhe publike, aktivitetet kulturore në kohën e lirë dhe kufizimet për institucionet arsimore.
Gjermania, ekonomia më e madhe e Evropës, ishte vlerësuar në të gjithë botën për mbajtjen e infeksionit dhe vdekjeve në një nivel shumë më të ulët sesa fqinjët e saj në fazën e parë të krizës, por tani është në mes të një vale të dytë, si shumica e vendeve evropiane.
Gjatë 24 orëve të kaluara, në Gjermani janë shënuar 22.964 raste të reja me Covid dhe 260 viktima.
E-Diaspora
-
Belgjikë: Kori “Siparantum” do të dhuroj paraqitje dinjitoze Mësohet se kori “Siparantum” do të dhuroj paraqitje në Festivalin Evropian të Muzikës për të Rinj...
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?