Aktivitete për nder të 28 Nëntorit, nga Shoqata e Mësuesve Shqiptarë në Austri

Festa kombëtare e 28 Nëntorit, Dita e Pavarësisë së Shqipërisë, festohet te të gjithë shqiptarët, në veçanti në diasporën shqiptare, nga nxënësit e shkollave shqipe në mërgim, transmeton albinfo.ch.

Së fundmi u mbajt një aktivitet në Austri, në distancë “Lexuesi i vitit” për nder të 28 Nëntorit- Ditës së Pavarësisë së Shqipërisë.

Shoqata e Mësuesve Shqiptarë “ Naim Frashëri” në Austri falënderon ambasadorin e R. së Shqipërisë, z. Roland Bimo dhe stafin e tij për bashkorganizim dhe bashkëpunim! Falënderoj kolegët Osmanin, Rozen, Ibrahimin, Antigonen, Qefseren dhe nxënesit pjesëmarrës në këtë aktivitet, po ashtu falënderoj prindërit që mbështesin mësimin e gjuhës shqipe!

Fituese e këtij aktiviteti, “Çmimi nga Ambasadori”, iu nda nxënëses DORA ALIHAJDARI, nxënëse e klasës së katërt në Vjenë dhe pjesëmarrëse e rregullt në mësimin e gjuhën shqipe!

Urime, Dora! Uroj të jesh frymëzim për të gjithë nxënësit shqiptarë!