Vdes në moshën 112 vjeçare gruaja më e moshuar e Zvicrës

E pyetur se si mund të jetojë njeriu sa më gjatë i lumtur, ajo është përgjigjur se nuk duhet marrë gjithçka tepër seriozisht

Gruaja më e moshuar zvicerane ka vdekur në një shtëpi pleqsh në Cyrih-Seebach në moshën 112 vjeçare. Menaxhmenti i shtëpisë ka konfirmuar të shtunën raportet e mediave për vdekjen e zonjës Alice Schaufelberger.

Sipas raporteve, Schaufelberger, e lindur më 11 janar 1908 në kantonin Aargau, ka vdekur më 16 nëntor. Ne mund të konfirmojmë vdekjen e Alice Schaufelberger, ka thënë menaxherja e shtëpisë së pleqve, Iris Ritte të shtunën, e pyetur nga Agjencia e Lajmeve Keystone-SDA.

E ndjera pjesën më të madhe të jetës së saj eka kaluar në qytetin e Cyrihut, transmeton albinfo.ch. Por ajo, 110 vjetorin e lindjes e ka festuar në Winterthur në vitin 2018 sepse shtëpia e pleqve Grünhalde në Seebach po rinovohej në atë kohë.

E pyetur se si mund të jetë njeriu sa më gjatë i lumtur, ish-shitësja në një dyqan të ushqimit të shëndetshëm në Cyrih është përgjigjur se nuk duhet të marrësh gjithçka tepër seriozisht, përcjell albinfo.ch Dhe nëse dikush nuk është miqësor me ju, nuk duhet të zemëroheni me të.

Kur e pyetën se cilat gjëra në jetë nuk i pëlqente, ajo është përgjigjur se  do të kishte dashur të ishte pak më e gjatë me trup.

---