Lajme
Rritet presioni kundër vendpushimeve të skijimit në Zvicër
Shpresat e vendpushimeve të skijimit në Zvicër për turistët e huaj gjatë pushimeve të Krishtlindjeve mund të prishen shpejt: Franca dhe Austria duan të parandalojnë qytetarët e tyre që të bëjnë ski jashtë, duke vendosur karantina të detyrueshme.
Kryeministri francez, Jean Castex, tha të mërkurën se qeveria e tij do të urdhërojë qytetarët në izolim për shtatë ditë pas pushimeve të skijimit jashtë vendit. Pikat e kontrollit do të vendosen në kufijtë me Zvicrën dhe Spanjën. Masa do të zbatohej nëse Zvicra dhe Spanja nuk mbyllin destinacionet e tyre sportive dimërore deri në janar, siç ka bërë Franca, tha ai, shkruan swissinfo.ch, përcjell albinfo.ch.
Castex tha se përfundimi që do të merret nga kjo është se njerëzit nuk duhet të shkojnë për skijim në Spanjë ose Zvicër. Udhëtarët ndërkufitarë nuk do të preken, shtoi ai.
Kryetari i Bashkisë Châtel, një vendpushim francez i skijimit në kufirin zviceran, është i pakënaqur me vendimin e qeverisë franceze për të mbyllur zonat e skijimit. Austria, si Zvicra, deri më tani ka refuzuar të mbyllë vendpushimet e saj të skijimit gjatë pushimeve. Sidoqoftë, duke vendosur një karantinë dhjetëditore për udhëtarët nga zonat me rrezik të lartë, Austria synon të kufizojë turizmin gjatë kësaj periudhe.
Gjermania e ka konsideruar Zvicrën si një zonë rreziku që nga 24 tetori. Prandaj, të kthyerit duhet të hyjnë në karantinë për dhjetë ditë.
Nga ana e tyre, vendpushimet e skijimit po vazhdojnë përpara me përgatitjet për sezonin e festave të fundvitit, pavarësisht presionit nga fqinjët e tyre për t’u mbyllur derisa të kalojë vala e fundit e koronavirusit, përcjell tutje albinfo.ch.
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
“Deputetët nga këto shtete janë kundër anëtarësimit të Kosovës në KiE”
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Linja ajrore SWISS rifillon fluturimet e saj drejt Iranit Pas pezullimit të operacioneve të saj në Bejrut dhe anashkalimit të hapësirës ajrore iraniane që nga...
-
Udhëtimi me tren nga Zvicra në këto qytete italiane do të ndërpritet për tre muaj
-
Mentor Latifi është emëruar ambasador i ri i Kosovës në Zvicër
-
Zvicër: Votimi i shtrenjtë për ligjin për furnizimin me energji elektrike
-
Policia e Thurgau-ut, me apel interesant