Mbi 1.5 milionë viktima nga COVID-19 në mbarë botën

albinfo.ch

Numri i të vdekurve nga koronavirusi i ri (COVID-19) në gjithë botën ka tejkaluar shifrën 1.5 milionë.

Sipas faqes së internetit “Worldometer”, e cila përpilon të dhënat në lidhje me pandeminë, gjithsej 1.500.271 viktima janë regjistruar deri më tani në mbarë botën, ndërsa numri i rasteve ka arritur në 64.897.870.

Shifra më e madhe e vdekjeve deri tani është regjistruar në SHBA, me 279.867 viktima.

Pas saj radhiten Brazili me 174.531 viktima, India 138.657, Meksika me 107.565, Britania e Madhe 59.699, Italia 57.045, Franca 53.816, Irani 48.990, Spanja 45.784, Rusia 41.607 dhe Argjentina 39.156.

Pas shfaqjes në qytetin Wuhan të Kinës në dhjetor 2019, COVID-19 është përhapur në gjithë botën. Deri më tani janë shëruar 44.993.631 persona të infektuar me virusin.