Lajme
Angazhim konkret për mbrojtjen e 30% të tokës dhe oqeaneve
Një koalicion prej 50 vendeve është zotuar të mbrojë gati një të tretën e planetit deri në vitin 2030, për të ndaluar shkatërrimin e botës natyrore dhe zhdukjen e ngadaltë të jetës së egër.
Koalicioni i Lartë i Ambicies (HAC) për Natyrën dhe Njerëzit, i cili përfshin Mbretërinë e Bashkuar dhe vendet nga gjashtë kontinente, bëri premtimin për të mbrojtur të paktën 30% të tokës dhe oqeaneve të planetit përpara samitit One Planet në Paris të hënën, organizuar nga Presidenti francez, Emmanuel Macron.
Shkencëtarët kanë thënë që aktivitetet njerëzore po çojnë në zhdukjen e gjashtë masive të jetës në Tokë dhe prodhimi bujqësor, minierat dhe ndotja po kërcënojnë funksionimin e shëndetshëm të ekosistemeve që mbajnë jetën, thelbësore për civilizimin njerëzor.
Në njoftim, HAC tha që mbrojtja e të paktën 30% të planetit për natyrën deri në fund të dekadës ishte thelbësore për parandalimin e zhdukjeve masive të bimëve dhe kafshëve dhe sigurimin e prodhimit natyror të ajrit të pastër dhe ujit.
Angazhimi ka të ngjarë të jetë objektivi kryesor i “marrëveshjes së Parisit për natyrën” që do të negociohet në Cop15 në Kunming, Kinë, më vonë këtë vit.
HAC tha se shpresonte se angazhimet e hershme nga vende të tilla, si Kolumbia, Kosta Rika, Nigeria, Pakistani dhe Kanada do të siguronin që ajo të formonte bazën e marrëveshjes, shkruan “TheGuardian”, përcjell albinfo.ch.
Të ngjashme
Të tjera nga Lajme
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Zvicër
-
Rritje e investimeve të huaja në Zvicër gjatë vitit 2023 Ndërsa investimet e kompanive të huaja në Evropë ranë vitin e kaluar, në Zvicër u investua...
-
Qeveria zvicerane synon ekuilibër më të mirë gjinor në administratën federale
-
Qeveria zvicerane do të përdorë të dhënat e telefonit për të identifikuar azilkërkuesit
-
Fillon Programi kundër ngacmimit në Gjenevë
-
Sondazhi: Aeroplani, mënyra më popullore për të shkuar me pushime për zviceranët